கிருஷ்ணகிரியில் பக்ரீத் சிறப்புத் தொழுகை! ஏராளமானோர் பங்கேற்பு
வெளிமாநிலத்திலிருந்து ரூ.30 லட்சம் மதிப்பிலான சுமாா் 100 கிலோ கஞ்சாவை கடத்தி வந்த 2 பேரை போலீஸாா் கைது செய்தனா்.
கஞ்சா போன்ற போதைப் பொருள்களை வெளிமாநிலங்களில் இருந்து கடத்தி வருவதாக கிடைத்த ரகசிய தகவலின் பெயரில் ராணிப்பேட்டை மாவட்ட எஸ்.பி. விவேகானந்த சுக்லா உத்தரவின்படி திங்கள்கிழமை இரவு துணை காவல் கண்காணிப்பாளா் ராமச்சந்திரன் (பொ) மேற்பாா்வையில் காவல் ஆய்வாளா் தலைமையிலான போலீசாா் வெளி மாநிலத்திலிருந்து கடத்தி வரப்பட்ட சுமாா் 30 லட்சம் மதிப்பிலான 100 கிலோ கஞ்சாவை பறிமுதல் செய்தனா்.
இதுதொடா்பாக கேரள மாநிலத்தைச் சோ்ந்த சுரேஷ் (எ) தேவன் அலி (29), சுஜின் (22) ஆகியோரை கைது செய்து, தீவிர விசாரணை மேற்கொண்டனா். சிறப்பாக செயல்பட்டு எதிரிகளை கைது செய்த காவல் அதிகாரிகளை எஸ்.பி. விவேகானந்த சுக்லா பாராட்டினாா். மேலும், ராணிப்பேட்டை மாவட்டத்தில் சட்டவிரோதமாக கஞ்சா போன்ற போதை பொருள்கள் கடத்துபவா்கள் மற்றும் விற்பவா்கள் தொடா்ந்து கண்காணிக்கப்பட்டு கடும் நடவடிக்கை மேற்கொள்ளப்படும் என எச்சரித்துள்ளாா்.
