லெவன் படத்தின் ஓடிடி வெளியீட்டுத் தேதி!

லெவன் படத்தின் ஓடிடி வெளியீட்டுத் தேதி அறிவிக்கப்பட்டுள்ளது.

அறிமுக இயக்குநர் லோகேஷ் அஜில்ஸ் இயக்கத்தில் வெளியான படம் 'லெவன்'. நவீன் சந்திரா, ரியா ஹரி, அபிராமி உள்ளிட்டோர் பிரதான பாத்திரங்களில் நடித்துள்ளனர்.

ஏஆர் என்டர்டைன்மென்ட் சார்பில் அஜ்மல் கான் மற்றும் ரியா ஹரி ஆகியோர் இப்படத்தைத் தயாரித்துள்ளனர்.

இப்படத்தின் ட்ரெய்லரை நடிகர் கமல்ஹாசன் சமூக வலைதளங்களில் வெளியிட்டார். வெளியிடப்பட்ட சில மணி நேரங்களிலேயே முன்னோட்டம் பெரும் வரவேற்பைப் பெற்றது.

இப்படம் கடந்த மே 16 ஆம் தேதி உலகம் முழுவதும் வெளியாகி கலவையான விமர்சனங்களைப் பெற்றது.

இப்படத்துக்காக ’தமுகு’ என்ற சிறப்புப் பாடல் உருவாக்கப்பட்டு, சரிகம தமிழ் யூடியூப் சேனலில் வெளியிடப்பட்டுள்ளது. இப்பாடல் இணையத்தில் வைரலானது.

இந்த நிலையில், லெவன் படம் வரும் ஜூன் 13 ஆம் தேதி ஆஹா தமிழ் ஓடிடி தளத்தில் வெளியாகும் என்று அதிகாரப்பூர்வமாக அறிவிக்கப்பட்டுள்ளது.

இதையும் படிக்க: பென்ஸ் படத்தில் மடோனா செபாஸ்டியன்!