வக்ஃப் மசோதா இன்று தாக்கல்: 8 மணி நேர விவாதத்துக்கு அனுமதி

வக்ஃப் சட்டத் திருத்த மசோதா மாநிலங்களவையில் புதன்கிழமை (ஏப். 2) தாக்கல் செய்யப்பட்டு அதன் மீது விவாதம் நடத்தப்படவுள்ளது.

இந்த மசோதா மீது 8 மணி நேரம் விவாதம் நடத்தவுள்ளதாகவும், தேவைப்படும்பட்சத்தில் விவாத நேரத்தை அதிகரிக்கவுள்ளதாகவும் மத்திய சிறுபான்மை மற்றும் நாடாளுமன்ற விவகாரங்கள் துறை அமைச்சா் கிரண் ரிஜிஜு தெரிவித்தாா்.

நாடு முழுவதும் ‘வக்ஃப்’ வாரிய சொத்துளை ஒழுங்குபடுத்த வழிவகுக்கும் வக்ஃப் சட்டத் திருத்த மசோதா, மக்களவையில் கடந்த ஆண்டு ஆகஸ்டில் அறிமுகம் செய்யப்பட்டது. எதிா்க்கட்சிகளின் கடும் எதிா்ப்பைத் தொடா்ந்து நாடாளுமன்ற கூட்டுக் குழுவின் ஆய்வுக்கு மசோதா அனுப்பப்பட்டது.

மசோதாவை ஆய்வு செய்த நாடாளுமன்ற கூட்டுக் குழு, 655 பக்க அறிக்கையை தயாரித்தது. இதில் சில திருத்தங்களுக்கு மத்திய அமைச்சரவை ஒப்புதல் வழங்கியது. இதையடுத்து, இந்த மசோதாவை மக்களவையில் மத்திய அரசு புதன்கிழமை தாக்கல் செய்யவுள்ளது.

8 மணி நேர விவாதம்: இதுகுறித்து கிரண் ரிஜிஜு செய்தியாளா்களிடம் கூறியதாவது: மக்களவையில் கேள்வி நேரம் முடிந்தவுடன் இந்த மசோதா தாக்கல் செய்யப்படும். அதைத் தொடா்ந்து, மசோதா மீது விவாதம் நடைபெறும். மக்களவைத் தலைவா் ஓம் பிா்லா தலைமையில் நடைபெற்ற மக்களவை அலுவல் ஆலோசனைக் குழு (பிஏசி) கூட்டத்தில் இந்த மசோதா மீதான விவாதத்துக்கு 8 மணி நேரம் ஒதுக்க முடிவெடுக்கப்பட்டது. இந்த கூட்டத்தில் பங்கேற்ற எதிா்க்கட்சி உறுப்பினா்கள் மசோதா மீதான விவாதத்துக்கு 12 மணி நேரம் ஒதுக்குமாறு கோரினா். தேவைப்படும்பட்சத்தில் விவாதத்துக்கு கூடுதல் நேரம் ஒதுக்கவும் முடிவுசெய்துள்ளோம்.

இருப்பினும், இந்த மசோதா குறித்து தவறான தகவல்களை தொடா்ந்து பரப்பி வரும் எதிா்க்கட்சி உறுப்பினா்கள் சிலா் மக்களவையில் நடைபெறவுள்ள விவாதத்தில் பங்கேற்பதை தவிா்க்க முற்பட்டு வருகின்றனா் என்றாா் அவா்.

எதிா்க்கட்சிகள் குற்றச்சாட்டு: வக்ஃப் திருத்த மசோதா மீதான விவாதம் குறித்த பிஏசி கூட்டத்தில் தங்களின் கோரிக்கைகளை புறக்கணித்தாகக் கூறி காங்கிரஸ் உள்ளிட்ட எதிா்க்கட்சிகளின் ‘இண்டி’ கூட்டணி எம்.பி.க்கள் கூட்டத்தைவிட்டு பாதியில் வெளியேறினா்.

வக்ஃப் திருத்த மசாதா மீதான விவாதத்துக்கு கூடுதல் நேரம் ஒதுக்கவும், மணிப்பூா் விவகாரம், வாக்காளா் அடையாள அட்டை விவகாரம் உள்ளிட்டவை குறித்து விவாதிக்க மக்களவை மறுப்பதாகவும் காங்கிரஸ் எம்.பி. கெளரவ் கோகாய் குற்றஞ்சாட்டினாா்.

மசோதா நிறைவேறுமா?: மக்களவையில் தற்போது 542 உறுப்பினா்கள் உள்ளனா். இவா்களில் பாஜக தலைமையிலான தேசிய ஜனநாயக கூட்டணியில் இடம்பெற்றுள்ள தெலுங்கு தேசம், ஐக்கிய ஜனதா தளம் மற்றும் மத்திய அமைச்சா் சிராக் பாஸ்வான் தலைமையிலான லோக் ஜன சக்தி (ராம்விலாஸ்) உள்ளிட்ட கட்சிகளைச் சோ்த்து மொத்தம் 293 உறுப்பினா்கள் உள்ளனா். இதுதவிர சுயேச்சைகள் மற்றும் கூட்டணியில் இல்லாத சில கட்சி உறுப்பினா்களின் ஆதரவையும் பாஜக கோர வாய்ப்புள்ளது. எனவே, பெரும்பான்மையான உறுப்பினா்களின் ஆதரவோடு இந்த மசோதாவை நிறைவேற்ற பாஜக முயலும் என எதிா்பாா்க்கப்படுகிறது.

மக்களவையில் மசோதா நிறைவேறும்பட்சத்தில் அடுத்ததாக மாநிலங்களவையில் விவாதம் மேற்கொள்ளப்படும். அங்கும் தேசிய ஜனநாயக கூட்டணிக்கு சாதகமான சூழல் நிலவுவதாகவே கருதப்படுகிறது.

ஆதரவளித்த கத்தோலிக்க பிஷப்: வக்ஃப் திருத்த மசோதாவுக்கு இந்திய கத்தோலிக்க பிஷப்புகள் மாநாடு அமைப்பு ஆதரவளித்ததைத் தொடா்ந்து பல்வேறு கிறிஸ்தவ அமைப்புகளும் இந்த மசோதாவுக்கு ஆதரவளிப்பதாக செவ்வாய்க்கிழமை தெரிவித்தன.

நாடாளுமன்றத்தில் ‘இண்டி’ கூட்டம்: வக்ஃப் திருத்த மசோதாவுக்கு எதிா்ப்பு தெரிவிக்கும் வகையில் எதிா்க்கட்சிகளின் ‘இண்டி’ கூட்டணி நாடாளுமன்ற வளாகத்தில் செவ்வாய்க்கிழமை ஒருங்கிணைந்த கூட்டம் நடத்தியது. இதில், மசோதாவுக்கு எதிா்ப்பு தெரிவித்து வாக்களிக்க முடிவு செய்யப்பட்டது.

மேலும், அடுத்த மூன்று நாள்களில் (ஏப். 2, 3 ,4 ) பல்வேறு விவகாரங்கள் குறித்து மக்களவையில் விவாதம் நடைபெறவுள்ளதால் கட்சியின் எம்.பி.க்கள் அனைவரும் தவறாது அவைக்கு வர வேண்டும் என காங்கிரஸ் கட்சியின் மக்களவை கொறடா கே.சுரேஷ் உத்தரவிட்டுள்ளாா்.