வட்டாரக் கல்வி அலுவலா் காலி பணியிடங்களை நிரப்புவதற்கான பதவி உயா்வு கலந்தாய்வு வரும் 26-ஆம் தேதி நடைபெறும் எனத் தெரிவிக்கப்பட்டுள்ளது.
இது தொடா்பாக தொடக்கக் கல்வித் துறை இயக்குநரகம் சாா்பில் அனைத்து மாவட்டக் கல்வி அலுவலா்களுக்கும் அனுப்பப்பட்டுள்ள சுற்றறிக்கை:
தமிழக பள்ளிக் கல்வித் துறையின் கீழ் வட்டாரக் கல்வி அலுவலா் பணியில் 50 சதவீத இடங்கள் பதவி உயா்வு மூலம் நிரப்பப்பட்டு வருகின்றன. அதன்படி நிகழாண்டு வட்டாரக் கல்வி அலுவலா் காலிப் பணியிடங்களை பதவி உயா்வு மூலம் நிரப்ப முடிவானது. இதற்காக பதவி உயா்வுக்கு தகுதியான 329 நடுநிலைப் பள்ளி தலைமை ஆசிரியா்களின் பட்டியல் தயாரிக்கப்பட்டது.
அதில் முன்னுரிமை அடிப்படையில் 170 போ் கடந்த ஜூன் 14-ஆம் தேதி கலந்தாய்வுக்கு அழைக்கப்பட்டு தகுதியானவா்களுக்கு பதவி உயா்வு அளிக்கப்பட்டது.
இந்நிலையில், தற்போதைய நிலவரப்படி காலியாக உள்ள வட்டாரக் கல்வி அலுவலா் பணி இடங்கள் பதவி உயா்வு மூலம் நிரப்பப்பட உள்ளன. இதற்கான பதவி உயா்வு கலந்தாய்வு டிச.26-ஆம் தேதி காலை 10 மணிக்கு எமிஸ் தளம் மூலம் இணைய வழியில் நடத்தப்படவுள்ளது. இதற்கு முன்னுரிமை தகுதிப் பட்டியலில் 171 முதல் 329 வரை இடம் பெற்றுள்ள நடுநிலைப் பள்ளி தலைமை ஆசிரியா்கள் தவறாமல் கலந்து கொள்ள அறிவுறுத்த வேண்டும்.
மேலும், இந்த கலந்தாய்வை நடத்த தேவையான அனைத்து முன்னேற்பாடுகளையும் மேற்கொண்டு தயாா் நிலையில் இருக்குமாறு மாவட்டக் கல்வி அலுவலா்கள் கேட்டுக் கொள்ளப்படுகிறாா்கள் எனத் தெரிவிக்கப்பட்டுள்ளது.
