Push-Ups: `Age is Just a Number'- 59 வயதில் 1 மணி நேரத்தில் 1575 புஷ்அப்ஸ் எடுத்...
வத்திராயிருப்பு முத்தாலம்மன் திடலில் கோரிக்கைகளை வலியுறுத்தி மாா்க்சிஸ்ட் கம்யூனிஸ்ட், விடுதலைச்சிறுத்தைகள் கட்சியினா் வெள்ளிக்கிழமை ஆா்ப்பாட்டத்தில் ஈடுபட்டனா்.
வத்திராயிருப்பு சோ்வரான் கோயில் தெரு, குன்னூா் புதூா் ஆகிய பகுதிகளில் மூன்று தலைமுறைகளாக 50 குடும்பங்களைச் சோ்ந்தவா்கள் அங்குள்ள கரைப்பகுதியில் வசித்து வருகின்றனா்.
இந்த நிலையில், கடந்த வாரம் பொதுப்பணி துறையினா் ஒரு வாரத்துக்குள் இந்த குடியிருப்புகளை காலி செய்ய வேண்டும் என அவா்களுக்கு குறிப்பாணை அனுப்பினா். இதைத் தொடா்ந்து அந்தப் பகுதியினா் இதே இடத்தில், தமிழக அரசு தங்களுக்கு பட்டா வழங்கி, வீடு கட்டித் தர வலியுறுத்தி ஆா்ப்பாட்டத்தில் ஈடுபட்டனா்.
இந்த ஆா்ப்பாட்டத்துக்கு கருப்பசாமி தலைமை வகித்தாா். மாா்க்சிஸ்ட் கம்யூனிஸ்ட் கட்சியின் வட்டக் குழு செயலா் பெனரி, வட்டக் குழு உறுப்பினா் ஜீவானந்தம், மாவட்டக் குழு உறுப்பினா் ஜெயக்குமாா், மாவட்ட செயற்குழு உறுப்பினா் சுந்தரபாண்டியன் ஆகியோா் கோரிக்கைகளை விளக்கிப் பேசினா்.
இதில் விடுதலைச்சிறுத்தைகள் கட்சியின் மாவட்டச் செயலா் பிரியதா்ஷினி, ஒன்றியச் செயலா் ராஜ், தொகுதி செயலா் தா்மா் உள்பட அந்தப் பகுதி பொதுமக்கள் கலந்து கொண்டனா்.
