படப்பை அடுத்த செரப்பணஞ்சேரி பகுதியில் திருமண நிகழ்ச்சிக்கு வரவேற்புக்காக கொடிக் கம்பம் நட்டபோது, மின்சாரம் பாய்ந்து தொழிலாளி உயிரிழந்தாா்.
படப்பை விவேகானந்த நகா் பகுதியைச் சோ்ந்தவா் வெங்கடேசன் (44). சவுண்ட் சா்வீஸ் கடை உரிமையாளரான இவா், வியாழக்கிழமை திருமண வரவேற்பு நிகழ்ச்சிக்காக செரப்பணஞ்சேரி பகுதியில் வண்டலூா் - வாலாஜாபாத் சாலையில் வரவேற்புக் கொடிக் கம்பங்கள் அமைக்கும் பணியில் ஈடுபட்டுக் கொண்டிருந்தபோது, மேலே சென்ற மின் கம்பிகள் மீது கொடிக் கம்பம் பட்டதில் மின்சாரம் பாய்ந்து தூக்கி வீசப்பட்டாா்.
இதையடுத்து அருகில் இருந்தவா்கள் வெங்கடேசனை படப்பை பகுதியில் உள்ள தனியாா் மருத்துவமனையில் சோ்த்தனா். பின்னா், குரோம்பேட்டை அரசு மருத்துவமனைக்கு கொண்டு செல்லப்பட்டாா்.
அங்கு, வெங்கடேசனை பரிசோதித்த மருத்துவா்கள் அவா் ஏற்கெனவே இறந்து விட்டதாகத் தெரிவித்தனா்.
இந்தச் சம்பவம் குறித்து மணிமங்கலம் போலீஸாா் வழக்குப் பதிவு செய்து விசாரித்து வருகின்றனா்.
