ராமநாதபுரம் மாவட்டம், பரமக்குடி பகுதியில் சாலை விதிகளைப் பின்பற்றாத வாகன ஓட்டிகளுக்கு சாா் ஆட்சியா் அபிலாஷா கவுா் செவ்வாய்க்கிழமை அபராதம் விதித்தாா்.
பரமக்குடி பகுதியில் விபத்துக்களில் உயிரிழப்போா் தலைக்கவசம் அணியாமல் இருந்ததாகவும், வாகனப் பதிவு எண்களில் உள்ள குறைபாடுகளால் குற்றச்சம்பவங்களில் ஈடுபடுவோரைக் கண்டுபிடிக்க முடியாத நிலை உள்ளதாகவும் சாா் ஆட்சியா் அபிலாஷா கவுருக்கு புகாா்கள் வந்தன.
இந்த நிலையில், போக்குவரத்துக் காவல் துறை, வட்டாரப் போக்குவரத்து அலுவலா்களுடன் மதுரை-ராமநாதபுரம் நான்கு வழிச்சாலையில் சோமநாதபுரம் சந்திப்பு பகுதியில் சாா் ஆட்சியா் அபிலாஷா கவுா் திடீா் வாகனச் சோதனையில் ஈடுபட்டாா்.
அந்த வழியாக தலைக்கவசம் அணியாமல் வந்த இரு சக்கர வாகன ஓட்டிகள் 21 பேருக்கு ரூ.ஆயிரம் வீதம் 21 ஆயிரம் அபராதம் விதிக்கப்பட்டது. மேலும், பதிவு எண் குறைபாடுள்ள இரு வாகன ஓட்டிகளுக்கு ரூ. 500 வீதம் அபராதம் விதிக்கப்பட்டது.
பேரிழப்பைத் தடுக்க சாலைப் பாதுகாப்பு விதிமுறைகளை முறையாகப் பின்பற்ற வேண்டும் என வாகன ஓட்டிகளுககு சாா் ஆட்சியா் அறிவுரை வழங்கினாா்.
