விருதுநகா் மாவட்டத்தில் உள்ள நீதிமன்றங்களில் சனிக்கிழமை நடைபெற்ற மக்கள் நீதிமன்றத்தில் 2,878 வழக்குகளில் ரூ.14.09 கோடிக்கு தீா்வு காணப்பட்டது.
ஸ்ரீவில்லிபுத்தூரில் உள்ள ஒருங்கிணைந்த மாவட்ட நீதிமன்றத்தில் நடைபெற்ற மக்கள் நீதிமன்றத்துக்கு மாவட்ட சட்டப் பணிகள் ஆணைக் குழுத் தலைவரும், முதன்மை நீதிபதியுமான ஜெயக்குமாா் தலைமை வகித்தாா். இதேபோல, விருதுநகா், அருப்புக்கோட்டை, திருச்சுழி, சிவகாசி, சாத்தூா், ராஜபாளையம், வத்திராயிருப்பு சாா்பு நீதிமன்றங்களிலும் வட்ட சட்டப் பணிகள் ஆணைக்குழு சாா்பில் மக்கள் நீதிமன்றம் நடைபெற்றது. இதில் உரிமையியல், குற்றவியல், வாகன விபத்து, வங்கி வராக்கடன், காசோலை தொடா்பான வழக்குகள் உள்பட 5,,234 வழக்குகள் விசாரணைக்கு எடுத்துக் கொள்ளப்பட்டன. இதில் 2,878 வழக்குகளில் சமரசத் தீா்வு காணப்பட்டு, ரூ.14,09,04,905 அளவுக்கு தீா்வுத் தொகை வழங்கப்பட்டது. இதையடுத்து, மோட்டாா் வாகன விபத்து வழக்கில் காணப்பட்ட சமரசத் தீா்வுக்கான நகலை பாதிக்கப்பட்ட சுப்புலட்சுமியிடம், மாவட்ட சட்டப் பணிகள் ஆணைக் குழு தலைவரும், முதன்மை நீதிபதியுமான ஜெயக்குமாா் வழங்கினாா்.
இதில் நீதிபதிகள், வழக்குரைஞா்கள், சட்டப் பணியாளா்கள், அரசு அலுவலா்கள், வங்கி மேலாளா்கள், காப்பீட்டு நிறுவன அலுவலா்கள் கலந்து கொண்டனா்.
