வேலூர்: 'வீட்டுக்கு வந்திருப்பது யார் என்றே தெரியவில்லை' - அமலாக்கத்துறை சோதனை குறித்து துரைமுருகன்

வேலூர் காட்பாடி காந்தி நகரில் உள்ள நீர்வளத்துறை அமைச்சர் துரைமுருகன் மற்றும் அவரது மகன் கதிர் ஆனந்த் வீட்டில் அமலாக்கத்துறை அதிகாரிகள் சோதனை நடத்தி வருகின்றனர்.

இதற்கிடையே இது தொடர்பாக சென்னையில் வழக்கறிஞர்களுடன் அமைச்சர் துரைமுருகன் ஆலோசனை நடத்தினார். அதன் பிறகு முதலமைச்சர் ஸ்டாலினையும் சந்திருக்கிறார். இதைத் தொடர்ந்து அவர் வேலூர் செல்வதற்காக காரில் புறப்பட்டார். அப்போது செய்தியாளர்களைச் சந்தித்த அமைச்சர் துரைமுருகனிடம், அமலாக்கத்துறை அதிகாரிகள் சோதனை தொடர்பாக கேள்வி எழுப்பப்பட்டது.

அதற்கு பதிலளித்த அவர், "வீட்டுக்கு வந்திருப்பது எந்த துறை அதிகாரிகள் என்றே எனக்கு தெரியாது. வீட்டில் யாரும் இல்லை. வீட்டு வேலைக்காரர்கள் மட்டும்தான் இருக்கிறார்கள். இதனால் எனக்குச் சரியாக சொல்ல தெரியவில்லை. அமலாக்கத்துறை சோதனை குறித்து எனக்கு எதுவும் தெரியாது. சோதனை தொடர்பாக உங்களுக்கு என்ன தெரியுமோ, அதே அளவுதான் எனக்கும் தெரியும்" என்று கூறியிருக்கிறார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்https://bit.ly/3OITqxs

வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... https://bit.ly/3OITqxs