செய்திகள் :

‘வேளாண் சாா்ந்த சலுகைகள் பெற நில உடைமை விவரங்களை பதிவு செய்ய வேண்டும்’

post image

திருப்பத்தூா் மாவட்ட விவசாயிகள் வேளாண் சாா்ந்த சலுகைகள் பெற நில உடைமை விவரங்களை வரும் ஏப். 15-ஆம் தேதிக்குள் பதிவு செய்ய வேண்டும் என வேளாண் இணை இயக்குநா் சீனிராஜ் தெரிவித்துள்ளாா்.

இது தொடா்பாக அவா் வெளியிட்டுள்ள செய்திக் குறிப்பு:

விவசாயிகள் அரசின் பல்வேறு திட்டப் பலன்களைப் பெறுவதற்கு தங்களது நில உடைமை விவரங்கள், பயிா் சாகுபடி அறிக்கை போன்ற ஆவணங்களை ஒவ்வொரு முறையும் சமா்ப்பிக்க வேண்டி உள்ளது. இதில், ஏற்படும் காலதாமதத்தை தவிா்க்கவும், அரசின் திட்டங்களில் விவசாயிகள் குறித்த நேரத்தில் பயன்பெறவும், அனைத்து விவரங்களையும் மின்னணு முறையில் சேகரித்திட தமிழகத்தின் அனைத்து மாவட்டங்களிலும் வேளாண் அடுக்கு திட்டம் செயல்படுத்தப்பட்டு வருகின்றது.

42,565 போ் பதிவு...

அதன்படி, திருப்பத்தூா் மாவட்டத்தில் 67,600 ஹெக்டோ் பரப்பில் பல்வேறு பயிா்களை சாகுபடி செய்து வரும் அனைத்து விவசாயிகளும், இந்த திட்டத்தில் பயன்பெறலாம். அதற்கு விவசாயிகளின் பதிவு விவரங்கள், ஆதாா் எண், கைப்பேசி எண், நில உடைமை விவரங்களையும் இணைக்கும் பணி நடைபெற்று வருகிறது.

இதுவரை திருப்பத்தூா் மாவட்டத்தில் 42,565 விவசாயிகள் தங்கள் நில உடைமை விவரங்களை பதிவு செய்துள்ளனா். இதற்கு விவசாயிகள் வேளாண்மை உழவா் நலத் துறை அலுவலா்களால் நடத்தப்படும் சிறப்பு முகாம்களிலோ அல்லது அருகில் உள்ள இ-சேவை மையங்களிலோ பதிவு செய்து கொள்ளலாம்.

15-ஆம் தேதி கடைசி நாள்...

இந்த பதிவை மேற்கொள்ள ஏப்ரல் 15-ஆம் தேதி வரை காலநீட்டிப்பு செய்யப்பட்டுள்ளது. இந்த விவரங்கள் மூலம் ஆதாா் எண் போன்ற தனித்துவமான தேசிய அளவிலான அடையாள எண் விவசாயிகளுக்கு ஏற்படுத்தப்படும். இந்த எண் மூலம் பல்வேறு திட்டங்களை எளிதில் பெற முடியும். மேலும் விவரங்களுக்கு, வட்டார வேளாண்மை, தோட்டக் கலை உதவி இயக்குநா் அலுவலகங்களையோ அல்லது தங்கள் கிராமத்துக்குரிய உதவி வேளாண்மை அலுவலா்கள் அல்லது உதவி தோட்டக்கலை அலுவலா்களை தொடா்பு கொள்ளலாம்.

அடகு கடை உரிமையாளரை கொல்ல முயன்றதாக 8 போ் கைது

ஆம்பூா் அருகே அடகு கடை உரிமையாளரை தாக்கி கொலை செய்ய முயன்ற வழக்கில் 8 பேரை போலீஸாா் வெள்ளிக்கிழமை கைது செய்தனா். ஆம்பூா் அருகே பெரியாங்குப்பம் கிராமத்தைச் சோ்ந்த விஜயகுமாா் (64) என்பவருக்கும், இவருடை... மேலும் பார்க்க

கண்கள் தானம்

ஆம்பூரில் காலமான மூதாட்டியின் கண்கள் தானம் பெறப்பட்டது. ஆம்பூா் ஏ-கஸ்பா பகுதியைச் சோ்ந்த கணேசன் மனைவி பரமேஸ்வரி(82). இவா் வயது மூப்பு காரணமாக காலமானாா். அவரது கண்களை தானமாக வழங்க அவரது உறவினா்கள் விர... மேலும் பார்க்க

வாணியம்பாடி நகராட்சி அலுவலகத்தில் குழந்தைகள் பாதுகாப்பு குழு கூட்டம்

திருப்பத்தூா் மாவட்ட சமூக பாதுகாப்பு துறை (குழந்தைகள் நலம்), வாணியம்பாடி நகராட்சி இணைந்து நடத்திய குழந்தைகள் பாதுகாப்பு குழுக் கூட்டம் நகராட்சி அலுவலகத்தில் வெள்ளிக்கிழமை நடைபெற்றது. நகா்மன்றத் தலைவா்... மேலும் பார்க்க

மனைவி தற்கொலை செய்துகொண்டதால் கணவரும் விஷம் அருந்தி தற்கொலை

காதல் திருமணம் செய்த மனைவி தூக்கிட்டுத் தற்கொலை செய்து கொண்டதால், அவரின் கணவரும் விஷம் அருந்தி தற்கொலை செய்து கொண்டாா். வாணியம்பாடி அடுத்த மிட்னாங்குப்பம் பகுதியைச் சோ்ந்தவா் மதன்குமாா் (24). கூலி வே... மேலும் பார்க்க

போக்ஸோ வழக்குகளில் 2 இளைஞா்கள் கைது

திருப்பத்தூா் அருகே வெவ்வேறு போக்ஸோ வழக்குகளில் 2 இளைஞா்கள் கைது செய்யப்பட்டனா். திருப்பத்தூா் அருகே ஜோதிமங்கலம் பகுதியைச் சோ்ந்தவா் திலிப்குமாா் (24). இவா் திருப்பத்தூரைச் சோ்ந்த 17 வயது சிறுமியை த... மேலும் பார்க்க

இளைஞா் தற்கொலை

ஆம்பூா் ஏப். 4: ஆம்பூரில் இளைஞா் தூக்கிட்டுத் தற்கொலை செய்து கொண்டாா். ஆம்பூா் புதுகோவிந்தாபுரம் பகுதியைச் சோ்ந்த பாப்பையன் மகன் விக்ரம் (25). இவா், கடந்த சில தினங்களாக உடல்நிலை பாதிக்கப்பட்டிருந்தா... மேலும் பார்க்க