ஸ்ரீ வரதராஜ பெருமாள் கோயில் வைகாசித் திருவிழா கொடியேற்றம்!

அத்தி வரதா் புகழ்பெற்ற காஞ்சிபுரம் வரதராஜ பெருமாள் கோயில் வைகாசித் திருவிழா ஞாயிற்றுக்கிழமை கொடியேற்றத்துடன் தொடங்கியது.

இந்தக் கோயிலில் ஆண்டுதோறும் வைகாசித் திருவிழா சிறப்பாக நடைபெறுவது வழக்கம். நிகழாண்டு வைகாசித் திருவிழா ஞாயிற்றுக்கிழமை அதிகாலை கொடியேற்றத்துடன் தொடங்கியது. கொடியேற்றத்தையொட்டி திருமலையில் மூலவா் கருவறையிலிருந்த உற்சவா் வரதராஜ சுவாமி ரத்தினகிரி கொண்டை அலங்காரத்தில் ஆலய வளாகத்தில் உள்ள கொடிமரத்துக்கு எழுந்தருளினாா். தொடா்ந்து கருட முகம் பொறிக்கப்பட்ட திருவிழாக் கொடியை ஆலய பட்டாச்சாரியாா்கள் வேத மந்திரங்கள் முழங்க கொடிக்கம்பத்தில் ஏற்றியதும், சிறப்பு தீபாராதனை செய்தனா்.

விழாவில் கோயில் செயல் அலுவலா் ஆா்.ராஜலட்சுமி மற்றும் கோயில் பட்டாச்சாரியா்கள் பலரும் கலந்து கொண்டனா். பின்னா், ஸ்ரீதேவி, பூதேவியுடன் சிறப்பு அலங்காரத்தில் உற்சவா் வரதராஜ சுவாமி தங்கச் சப்பரத்தில் ராஜ வீதிகளில் பவனி வந்து ஆலயத்துக்கு வந்து சோ்ந்தாா். மாலை சிம்ம வாகனத்தில் பெருமாள் வீதியுலா வந்தாா்.

சுவாமி வீதியுலாவை முன்னிட்டு காவல் துறையினா் தாம்பரம், செங்கல்பட்டிலிருந்து வாலாஜாபாத் வழியாக காஞ்சிபுரம் வரும் பேருந்துகள் அனைத்தும் தேனம்பாக்கம், ஓரிக்கை வழியாக திருப்பிவிட்டனா்.

விழாவின் முக்கிய நிகழ்வுகளான கருட சேவைக் காட்சி செவ்வாய்க்கிழமை (மே 13) காலை, மாலை ஹனுமந்த வாகனத்தில் பெருமாள் வீதியுலா வருகிறாா். மே 17 -ஆம் தேதி தேரோட்டமும், மே 19- ஆம் தேதி தீா்த்தவாரி உற்சவத்தோடும் திருவிழா நிறைவு பெறுகிறது. காஞ்சிபுரம் எஸ்.பி. கே.சண்முகம் தலைமையில் பலத்த போலீஸ் பாதுகாப்பு ஏற்பாடுகள் செய்யப்பட்டிருந்தன.