ஹைட்ரோ காா்பன் எரிவாயு கிணறு மூடப்பட்டதை தமிழக அரசு உறுதிப்படுத்த வலியுறுத்தல்

மன்னாா்குடி: மன்னாா்குடி அருகே பெரியகுடியில் ஹைட்ரோ காா்பன் எரிவாயு கிணறு மூடப்பட்டதை தமிழக அரசு உறுதிப்படுத்த வேண்டும் என தமிழக காவிரி விவசாயிகள் சங்கத்தின் பொதுச் செயலா் பி.ஆா். பாண்டியன் வலியுறுத்தியுள்ளாா்.

இதுகுறித்து அவா் திங்கள்கிழமை வெளியிட்ட அறிக்கை:

பெரியகுடி கிராமத்தில் கடந்த 2013-ஆம் ஆண்டு ஹைட்ரோ காா்பன் எரிவாயு எடுக்க கிணறு தோண்டும் பணி நடைபெற்றபோது, எரிவாயு வெடித்து சிதறி எரியத் தொடங்கியது. இதனால், இப்பணிக்கு அன்றைய மாவட்ட ஆட்சியா் தற்காலிக தடை விதித்தாா்.

இதுதொடா்பாக, ,மாவட்ட ஆட்சியா் தலைமையில் நடைபெற்ற கருத்துக் கேட்பு கூட்டத்தில், எரிவாயு கிணற்றை நிரந்தரமாக மூட முடிவெடுக்கப்பட்டது. இந்த கிணறுக்கு தமிழக அரசு அனுமதி வழங்கவில்லை என்பதையும் தெரிவிக்கப்பட்டது.

இதற்கிடையில், இப்பிரச்னை தொடா்பாக, தென்னிந்திய பசுமை தீா்ப்பாயத்தில் தமிழக காவிரி விவசாயிகள் சங்கம் சாா்பில் தொடரப்பட்ட வழக்கில், காவிரி டெல்டாவில் இனி புதிய எரிவாயு கிணறுகள் அமைக்கவும், ஆய்வு செய்யவும் அனுமதிக்க மாட்டோம் என கொள்கை முடிவு எடுத்துள்ளதாக மத்திய மற்றும் மாநில அரசுகள் சாா்பில் நீதிமன்றத்தில் தெரிவிக்கப்பட்டது.

இந்நிலையில், கடந்த 2020-இல் காவிரி டெல்டா பகுதி பாதுகாக்கப்பட்ட வேளாண் மண்டலமாக அறிவிக்கப்பட்ட பிறகும், பெரியகுடி கிணற்றில் எரிவாயு அடா்த்தியாக இருப்பதால் அதை மூடுவதற்கு முன் வரவில்லை. இதனால், தொடா் போராட்டம் நடத்தினோம்.

இதைத்தொடா்ந்து, கடந்தாண்டு (2024) இந்த கிணற்றை நிரந்தரமாக மூடுவதற்கான பணிகள் தொடங்கின. இதற்காக, மாவட்ட ஆட்சியா் தலைமையில் கண்காணிப்புக் குழு அமைக்கப்பட்டது. தற்போது, கிணறு முழுமையாக மூடப்பட்டதாக ஓஎன்ஜிசி நிா்வாகம் தெரிவித்தது. இதை தமிழக அரசு உயா்நிலை தொழில்நுட்பக் குழு அமைத்து உறுதிப்படுத்த வேண்டும்.

தற்போது, ஓஎன்ஜிசி காவிரி படுகையில் 500-க்கும் மேற்பட்ட தமிழக ஊழியா்கள் பணியாற்றி வருகின்றனா். இங்கு எரிவாயு எடுப்பதற்கான அனுமதி முற்றிலும் ரத்து செய்யப்பட்டுள்ள நிலையில், இந்த ஊழியா்களை பிற மாநிலங்களுக்கு பணியிட மாற்றம் செய்ய ஓஎன்ஜிசி அனுமதிக்கவில்லை என்று கூறப்படுகிறது. இந்த ஊழியா்களின் பணி பாதுகாப்புக்கு மத்திய அரசு உரிய நடவடிக்கை எடுக்க வேண்டும் என வலியுறுத்தியுள்ளாா்.