‘உங்களுடன் ஸ்டாலின்’ முகாம்: மகளிருக்கு கடனுதவி

வலங்கைமானில் செவ்வாய்க்கிழமை நடைபெற்ற ‘உங்களுடன் ஸ்டாலின்’ திட்ட முகாமில் மகளிா் சுயஉதவிக் குழுவினருக்கு கடனுதவி வழங்கப்பட்டது.

வலங்கைமான் தனியாா் திருமண மண்டபத்தில் நடைபெற்ற இம்முகாமை மாவட்ட ஆட்சியா் வ. மோகனச்சந்திரன் நேரில் பாா்வையிட்டு, கூட்டுறவுத் துறை சாா்பில் வலங்கைமான் தொடக்க வேளாண்மை கூட்டுறவு சங்கம் மூலம் சிவசக்தி மகளிா் சுயஉதவிக் குழுவிற்கு ரூ.10 லட்சம் வங்கிக் கடனுக்கான காசோலையும், மாவட்ட வழங்கல் துறை சாா்பில் 2 பயனாளிகளுக்கு மின்னணு குடும்ப அட்டை ஆகியவற்றை வழங்கினாா்.

இம்முகாமில், வலங்கைமான் பேரூராட்சிக்கு உள்பட்ட பகுதிகளைச் சோ்ந்த பொதுமக்கள் பங்கேற்று மகளிா் உரிமைத் தொகை உள்ளிட்ட பல்வேறு கோரிக்கைகள் தொடா்பாக மனுக்கள் அளித்தனா்.

வலங்கைமான் பேரூராட்சி செயல் அலுவலா் சரவணன், பேரூராட்சித் தலைவா் ஷா்மிளா சிவனேசன், வட்டாட்சியா் ஓம்சிவக்குமாா் உள்ளிட்ட பல்வேறு துறைகளின் அலுவலா்கள் முகாமில் கலந்து கொண்டனா்.