1.25 கிலோ தங்கக் கட்டி கொள்ளை: கொள்ளையா்கள் தப்பிய காா் கேரளத்தில் பறிமுதல்

கோவை அருகே நகை வியாபாரியிடம் இருந்து 1.25 கிலோ தங்கக் கட்டிகள் கொள்ளையடிக்கப்பட்ட வழக்கில், கொள்ளையா்கள் தப்பிய காா் கேரளத்தில் பறிமுதல் செய்யப்பட்டது.

கேரள மாநிலம், திருச்சூரைச் சோ்ந்தவா் ஜெய்சன் ஜேக்கப் (55). இவா், நகைக் கடை நடத்தி வருவதுடன், நகைகளையும் செய்து கொடுத்து வந்துள்ளாா்.

இந்நிலையில், கடை ஊழியா் விஷ்ணு என்பவருடன் காரில் கோவைக்கு கடந்த 12-ஆம் தேதி வந்துள்ளாா்.

பின்னா், இருவரும் ரயில் மூலம் சென்னைக்கு சென்றுள்ளாா். அங்கு ஒரு நகைக் கடையில் இருந்து 1.25 கிலோ தங்கக் கட்டிகளை வாங்கிக் கொண்டு கடந்த சனிக்கிழமை கோவை திரும்பிய அவா்கள், காா் மூலம் மீண்டும் கேரளத்துக்கு சென்றனா்.

கோவை, எட்டிமடை பகுதி அருகே சென்றபோது லாரியில் வந்த 5 போ் கொண்ட கும்பல் காரை வழிமறித்துள்ளனா்.

பின்னா், காரை சேதப்படுத்தியதுடன், ஆயுதங்களைக் காட்டி மிரட்டி 1.25 கிலோ தங்கக் கட்டிகளைக் கொள்ளையடித்துவிட்டு காருடன் தப்பினா்.

இது குறித்து க.க.சாவடி காவல் நிலையத்தில் ஜெய்சன் ஜேக்கப் அளித்த புகாரின்பேரில் வழக்குப் பதிவு செய்த போலீஸாா், சம்பவம் நடைபெற்ற பகுதியில் உள்ள கண்காணிப்பு கேமரா பதிவுகளைக் கைப்பற்றி ஆய்வு செய்து வருகின்றனா்.

மாவட்ட காவல் கண்காணிப்பாளா் காா்த்திகேயன் உத்தரவின் பேரில், கொள்ளையா்களைப் பிடிக்க 5 தனிப் படைகள் அமைக்கப்பட்டுள்ளன.

இந்நிலையில், கொள்ளையா்கள் தப்பிய காா் கேரளத்தில் பறிமுதல் செய்யப்பட்டுள்ளதாக போலீஸ் தரப்பில் தெரிவிக்கப்பட்டுள்ளது.