சென்னை உள்நாட்டு விமான நிலையத்தில் ஒரே நாளில் 10 விமானங்கள் முன்னறிவிப்பின்றி ரத்து செய்யப்பட்டதால் பயணிகள் கடும் சிரமத்துக்குள்ளாகினா்.
சென்னை விமானநிலையத்திலிருந்து கொல்கத்தா, புவனேஸ்வா், பெங்களூரு, திருவனந்தபுரம், சிலிகுரி செல்ல வேண்டிய 5 விமானங்களும், பெங்களூரு, திருவனந்தபுரம், புவனேஸ்வா், கொல்கத்தா, சிலிகுரியிலிருந்து சென்னை வரவேண்டிய 5 வருகை விமானங்களும் முன்னறிவிப்பின்றி ஒரே நாளில் ரத்து செய்யப்பட்டன.
இதனால், இந்த விமானங்களில் முன்பதிவு செய்து பயணிக்கவிருந்த நூற்றுக்கணக்கான பயணிகள் கடும் அவதிக்குள்ளாகினா். முன்னறிவிப்பின்றி விமானங்கள் ரத்து செய்யப்பட்டதால் ஆத்திரமடைந்த பல பயணிகள், ஏா் இந்தியா அலுவலகத்தில் அதிகாரிகளுடன் வாக்குவாதத்தில் ஈடுபட்டனா். 10 விமானங்களும் நிா்வாக காரணங்களுக்காக ரத்து செய்யப்பட்டுள்ளதாக ஏா் இந்தியா நிா்வாகம் தெரிவித்துள்ளது.
