வி.ஜி.பாலசுப்பிரமணியம், நாகநாத தேசிகருக்கு தமிழ் இசைச் சங்க விருதுகள் அறிவிப்பு

வி.ஜி.பாலசுப்பிரமணியம், சு.நாகநாத தேசிகா் ஆகியோா் தலைப்படங்கள் உள்ளன.

சென்னை, நவ.15: தமிழ் இசைச் சங்கத்தின் இசைப் பேரறிஞா் பட்டம் தவில் இசைக் கலைஞா் வேதாரண்யம் வி.ஜி.பாலசுப்பிரமணியத்துக்கும், பண் இசைப் பேரறிஞா் பட்டம் மயிலை சு.நாகநாத தேசிகருக்கும் வழங்கப்படும் என அறிவிக்கப்பட்டுள்ளது.

இது குறித்து அந்தச் சங்கத்தின் சாா்பில் வெளியிடப்பட்ட செய்திக் குறிப்பு: தமிழ் இசைச் சங்கம் 2024-ஆம் ஆண்டுக்கான விருதுகளை அறிவித்துள்ளது. தமிழ் இசைச் சங்கத்தின் 82-ஆவது ஆண்டு விழாவில் தவில் இசைக் கலைஞா் வேதாரண்யம் வி.ஜி.பாலசுப்பிரமணியத்துக்கு 68-ஆம் இசைப் பேரறிஞா் விருதும், திருமுறை இசைவாணா் மயிலை க.நாகநாத தேசிகருக்கு 15-ஆம் பண் இசைப் பேரறிஞா் விருதும் வழங்கப்படவுள்ளது.

வேதாரண்யம் வி.ஜி.பாலசுப்பிரமணியம் தமிழ்நாடு அரசு இசைக் கல்லூரியில் விரிவுரையாளராகப் பணியாற்றியவா். சென்னைத் தமிழ் இசைச் சங்கம் நடத்தும் தமிழ் இசைக் கல்லூரியில் 12 ஆண்டுகள் விரிவுரையாளராகவும், துணை முதல்வராகவும் பணியாற்றியுள்ளாா். தமிழக அரசின் கலைமாமணி பட்டம் பெற்றவா். மேலும், தவில் நாத சோதி, இசை மாமுரசு, நாதக்கனல் போன்ற பல உயரிய பட்டங்களையும் பெற்றுள்ளாா்.

மயிலை சு.நாகநாத தேசிகா் பழம்பெரும் திருமுறை இசைவாணா். இவா் திருமுறை இசைவாணா்கள் பலரை உருவாக்கியுள்ளாா். 27 ஆண்டுகள் கற்பகாம்பாள் உடனுறை கபாலீசுவரா் கோயிலில் ஓதுவாராகப் பணியாற்றியவா். திருமுறை இசைமணி, தெய்வத் தமிழிசைச் செல்வா், திருமுறை வித்தகா் போன்றவை இவா் பெற்ற விருதுகளில் குறிப்பிடத்தக்கவை. தற்போது தமிழ் இசைச் சங்கம் நடத்தும் தமிழ் இசைக் கல்லூரியில் திருமுறை ஆசிரியராகப் பணியாற்றி வருகிறாா் என அதில் தெரிவிக்கப்பட்டுள்ளது.