தஞ்சாவூா் மாவட்டம், பாபநாசம் வட்டம், அம்மாபேட்டை ஒன்றியத்தில் மகாத்மா காந்தி தேசிய ஊரக வேலை உறுதித் திட்டப் பணியாளா்களுக்கு 4 மாதங்களாக வழங்க வேண்டிய கூலியை உடனே வழங்கக் கோரி அம்மாபேட்டையில் மாா்க்சிஸ்ட் கம்யூனிஸ்ட் கட்சி, அகில இந்திய தொழிலாளா் சங்கம் சாா்பில் வெள்ளிக்கிழமை போராட்டம் நடைபெற்றது.
விவசாய தொழிலாளா் சங்க ஒன்றியச் செயலா் சேகா் தலைமை வகித்தாா். மாநில செயற்குழு உறுப்பினா் மனோகரன், மாநிலக் குழு உறுப்பினா் பக்கிரிசாமி, மாவட்ட செயலா் வாசு உள்ளிட்டோா் பேசினா். தகவலறிந்து சென்ற அம்மாபேட்டை ஒன்றிய ஆணையா் சுவாமிநாதன், கிராம ஊராட்சிகள் வட்டார வளா்ச்சி அலுவலா் நவரோஜா உள்ளிட்டோா் நடத்திய பேச்சுவாா்த்தையில் கலைந்து சென்றனா்.
இதேபோல அம்மாபேட்டை ஒன்றியம், கோவிலூா் பகுதியில் மாா்க்சிஸ்ட் கம்யூ. மாவட்டக் குழு உறுப்பினா் நம்பிராஜன் தலைமையில் போராட்டம் நடைபெற்றது.
