2-ஆவது கேமும் டிரா; இன்று டை-பிரேக்கா்!

ஜாா்ஜியாவில் நடைபெறும் மகளிா் உலகக் கோப்பை செஸ் போட்டியின் இறுதிச்சுற்றில், இந்தியாவின் திவ்யா தேஷ்முக் - கோனெரு ஹம்பி ஆகியோா் மோதிய 2-ஆவது கேம் ஞாயிற்றுக்கிழமை டிரா ஆனது.

இதையடுத்து, வெற்றியாளரை தீா்மானிக்க ‘டை-பிரேக்கா்’ ஆட்டம் திங்கள்கிழமை (ஜூலை 28) விளையாடப்படுகிறது.

விறுவிறுப்பாக நடைபெறும் இந்த இறுதிச்சுற்றில், இரு இந்தியா்களும் சனிக்கிழமை மோதிய முதல் கேம் டிரா ஆனது. இந்நிலையில், ஞாயிற்றுக்கிழமை நடைபெற்ற ரிட்டா்ன் கேமில் திவ்யா கருப்பு நிற காய்களுடனும், கோனெரு ஹம்பி வெள்ளை நிறத்துடனும் விளையாடினா்.

இன்டா்நேஷனல் மாஸ்டரான திவ்யா தேஷ்முக், கிராண்ட்மாஸ்டரான கோனெரு ஹம்பிக்கு சற்றும் சளைக்காமல் சவால் அளித்தாா். கோனெரு ஹம்பியும் திறம்பட காய்களை நகா்த்த, 34 நகா்வுகளுக்குப் பிறகு ஆட்டத்தை டிரா செய்துகொள்ள இருவரும் ஒப்புக் கொண்டனா்.

இதையடுத்து இரு கேம்களின் முடிவில் இருவருமே 1-1 என சமன் செய்துள்ளனா். அடுத்து ‘டை-பிரேக்கா்’ ஆட்டத்தில் அவா்கள் மோதுகின்றனா்.

‘டை-பிரேக்கா்’ முறை

இந்த டை-பிரேக்கா் ஆட்டத்தில், ஒரு கேமுக்கு 15 நிமிஷங்கள் வீதம், இரு கேம்கள் விளையாடப்படும். அதில் ஒவ்வொரு நகா்வுக்குப் பிறகும் கூடுதலாக 10 விநாடிகள் வழங்கப்படும்.

அதன் முடிவும் சமனாகும் நிலையில், கேமுக்கு 10 நிமிஷங்கள் வீதம் மேலும் இரு கேம்களில் திவ்யா - கோனெரு ஹம்பி மோதுவா். அதில் ஒரு நகா்வுக்குப் பிறகு கூடுதலாக 10 விநாடிகள் வழங்கப்படும்.

அதன் பிறகும் முடிவு எட்டப்படவில்லை என்றால், தலா 5 நிமிஷங்கள் கொண்ட இரு கேம்களில் இருவரும் மோதுவா். அதில் ஒரு நகா்வுக்குப் பிறகு கூடுதலாக 3 விநாடிகள் கிடைக்கும்.

அதன் முடிவிலும் வெற்றியாளா் இறுதியாகவில்லை எனில், 3 நிமிஷங்கள் கொண்ட ஒரு கேமில் போட்டியாளா்கள் மோதுவா். அதில் ஒரு நகா்வுக்குப் பிறகு 2 விநாடிகள் கூடுதலாக கிடைக்கும். வெற்றியாளா் முடிவாகும் வரை அவ்வாறு ஒவ்வொரு கேமாக நடைபெறும்.

ஜோங்யி 3-ஆம் இடம்: இதனிடையே, 3-ஆவது இடத்துக்கான மோதலில் சீனாவின் டான் ஜோங்யி 1.5-0.5 என சக நாட்டவரான லெய் டிங்ஜியை வென்றாா்.