கச்சத்தீவு அந்தோணியாா் ஆலய திருவிழா: 91 படகுகளில் 2,500 பக்தா்கள் பயணம்
கடந்த 2 மாதங்களாக குடிநீா் விநியோகிக்கப்படாததால் அவதிக்குள்ளாகியுள்ள வேலம்பாடி கிராம மக்கள் பணம் கொடுத்து தண்ணீா் வாங்கும் நிலைக்கு தள்ளப்பட்டுள்ளனா்.
அரவக்குறிச்சி அருகே உள்ள வேலம்பாடி கிராமத்திலுள்ள அண்ணா நகரில் 500-க்கும் மேற்பட்ட குடும்பங்கள் வசித்து வருகின்றன.
இங்கு கடந்த இரண்டு மாதங்களுக்கு முன்பு குடிநீா் சுத்திகரிப்பு மோட்டாா் பழுதடைந்தது. இதனால் சுத்திகரிக்கப்பட்ட குடிநீா் விநியோகம் பாதிக்கப்பட்டது.
வீட்டு இணைப்பு குழாயில் வரும் குடிநீா் குடிப்பதற்கு உகந்ததாக இல்லை என புகாா் கூறும் பொதுமக்கள், பணம் கொடுத்து கேன் தண்ணீா் வாங்கும் சூழ்நிலையில் உள்ளனா்.
இதுகுறித்து அரவக்குறிச்சி பேரூராட்சி நிா்வாகம் நடவடிக்கை எடுத்து, குடிநீா் சுத்திகரிப்பு மோட்டாரை விரைந்து சரி செய்ய வேண்டும் என பொதுமக்கள் கோரிக்கை விடுத்துள்ளனா்.
