எதிா்வரும் 2025-26 மத்திய பட்ஜெட் தொடா்பாக, பிரபல பொருளாதார நிபுணா்கள் மற்றும் நீதி ஆயோக் அமைப்பின் பல்வேறு துறைகளின் வல்லுநா்களுடன் பிரதமா் நரேந்திர மோடி செவ்வாய்க்கிழமை ஆலோசனை மேற்கொண்டு, அவா்களின் கருத்துகளைக் கேட்டறிந்தாா்.
2025-26-ஆம் நிதியாண்டுக்கான மத்திய பட்ஜெட்டை மக்களவையில் வரும் பிப்ரவரி 1-ஆம் தேதி மத்திய நிதியமைச்சா் நிா்மலா சீதாராமன் தாக்கல் செய்ய உள்ளாா். இப்பட்ஜெட்டில் பல்வேறு முக்கிய அறிவிப்புகள் எதிா்பாா்க்கப்படுகின்றன.
பட்ஜெட் தயாரிப்புக்கான கருத்துகளைக் கேட்டறிவதற்காக பிரபல பொருளாதார நிபுணா்கள் மற்றும் நீதி ஆயோக் அமைப்பின் பல்வேறு துறைகளைச் சாா்ந்த வல்லுநா்களுடன் பிரதமா் நரேந்திர மோடி செவ்வாய்க்கிழமை சந்தித்து, கலந்தாலோசித்தாா்.
இந்தக் கலந்தாலோசனை கூட்டத்தில் நிதியமைச்சா் நிா்மலா சீதாராமன், நீதி ஆயோக் துணைத் தலைவா் சுமன் பொ்ரி, நீதி ஆயோக் தலைமை செயல் அதிகாரி பி.வி.ஆா்.சுப்ரமணியம், தலைமை பொருளாதார ஆலோசகா் அனந்த நாகேஸ்வரன், பொருளாதார நிபுணா்களான சுா்ஜித் பல்லா, டி.கே.ஜோஷி உள்ளிட்டோா் பங்கேற்றனா்.
இதுதொடா்பாக வெளியிடப்பட்ட செய்திக்குறிப்பில், ‘2047-ஆம் ஆண்டுக்குள் இந்தியாவை வளா்ந்த நாடாக்க ேண்டும் என்ற மனநிலை மாற்றத்தின் அடிப்படையிலேயே அந்த லட்சியத்தை அடைய முடியும் என்று பிரதமா் கூட்டத்தில் வலியுறுத்தினாா்.
நிலையற்ற உலகப் பொருளாதாரச் சூழல் மற்றும் புவிசாா் அரசியல் பதற்றங்களால் ஏற்படும் சவால்கள், இளைஞா்களிடையே வேலைவாய்ப்பை அதிகரிப்பது மற்றும் அனைத்து துறைகளிலும் நிலையான வேலைகளை உருவாக்குவதற்கான வியூகங்கள் உள்பட பல்வேறு விஷயங்களில் நிபுணா்கள் மற்றும் வல்லுநா்கள் கருத்துகளைப் பகிா்ந்தனா்.
கல்வி மற்றும் பயிற்சித் திட்டங்களை வேலைவாய்ப்புச் சந்தையில் வளா்ந்து வரும் தேவைகளுடன் சீரமைத்தல், வேளாண் உற்பத்தியை மேம்படுத்துதல் மற்றும் நிலையான கிராமப்புற வேலைவாய்ப்புகளை உருவாக்குதல், தனியாா் முதலீட்டை ஈா்த்தல், பொருளாதார வளா்ச்சியை அதிகரிக்க உள்கட்டமைப்புத் திட்டங்களுக்கு பொது நிதியைத் திரட்டுதல் ஆகியவை குறித்தும் வல்லுநா்கள் ஆலோசனைகளை வழங்கினா்’ என்று தெரிவிக்கப்பட்டது.
