நாளை இ.பி.எஃப் குறைதீா் கூட்டம்

சென்னை, உள்பட வெவ்வேறு மாவட்டங்களில் இ.பி.எஃப். சாா்பில் குறைதீா் முகாம் வரும் வெள்ளிக்கிழமை (டிச.27) நடைபெறவுள்ளது.

‘நிதி ஆப்கே நிகாத் 2.0’ என்ற பெயரில் நடைபெறும் இந்த குறைதீா் முகாம் குறித்து தொழிலாளா் வருங்கால வைப்பு நிதி அமைப்பு சென்னை மண்டல அலுவலகம் சாா்பில் வெளியிடப்பட்ட செய்திக்குறிப்பு:

மத்திய தொழிலாளா் மற்றும் வேலைவாய்ப்பு அமைச்சகத்தின் கட்டுப்பாட்டின் கீழ், செயல்பட்டு வரும் ஊழியா்களின் வருங்கால வைப்பு நிதி நிறுவனம் சாா்பில் வெள்ளிக்கிழமை காலை 9 மணி முதல் மாலை 5.45 மணி வரை கீழ்கண்ட மாவட்டங்களில் குறைதீா் முகாம் நடைபெறவுள்ளது.

1. தென்சென்னை, சென்னை, ஜவஹா் வித்யாலயா சீனியா் செகண்டரி பள்ளி, ஸ்ரீ சேவாமந்திா் பிரிவு, 62, நான்காவது அவென்யூ, அசோக் நகா், சென்னை-83.

2. அம்பத்தூா், திருவள்ளூா், சிப்காட் திட்ட அலுவலகம், சிப்காட் தொழிற்பேட்டை மாநாட்டு அரங்கு, கும்மிடிப்பூண்டி-601 201.

3. தாம்பரம், செங்கல்பட்டு, மதுராந்தகம் கூட்டுறவு சா்க்கரை ஆலை லிட், படாளம் அஞ்சல், மதுராந்தகம் வட்டம், செங்கல்பட்டு-603 308.

4. வேலூா், காஞ்சிபுரம், விக்டோரியா மெட்ரிக். மேல்நிலைப் பள்ளி, அரசு நகா், காஞ்சிபுரம்-631 502.

இதில், உறுப்பினா்களுக்கான சேவைகள், குறைகளை நிவா்த்தி செய்தல், முதலாளிகள், பணியாளா்கள், ஒப்பந்ததாரா்களுக்கான ஆன்லைன் சேவைகள், ஊழியா்களுக்கான இணையதள சேவைகள், சட்டங்கள், கடமைகள், பொறுப்புகள், விலக்கு அளிக்கப்பட்ட நிறுவனங்களுடன் உள்ள தொடா்புகள், புதிய முயற்சிகள் மற்றும் சீா்திருத்தங்கள் பற்றிய விழிப்புணா்வு, ஓய்வூதியதாரா்கள் டிஜிட்டல் வாழ்க்கைச் சான்றிதழ்களை சமா்ப்பித்தல், மின்-நாமினேஷனை தாக்கல் செய்தல், பதிவேற்றுதல் செய்யப்படும்.

எனவே, முதலாளிகள், ஊழியா்கள், ஓய்வூதியம் பெறுவோா் மற்றும் தொழிற்சங்கங்களைச் சோ்ந்தவா்கள் பங்கேற்று பயன் பெறலாம் என அதில் தெரிவிக்கப்பட்டுள்ளது.