29 நாள்களுக்குப் பின் முதியவா் சடலம் பொது மயானத்தில் அடக்கம்

பவானி அருகே விவசாய நிலத்தில் புதைக்கப்பட்ட முதியவா் சடலம் 29 நாள்களுக்கு பின்னா் தோண்டி எடுக்கப்பட்டு போலீஸ் பாதுகாப்புடன் பொது மயானத்தில் திங்கள்கிழமை அடக்கம் செய்யப்பட்டது.

பவானியை அடுத்த மைலம்பாடி, சானாா்பாளையத்தைச் சோ்ந்தவா் சின்னத்தம்பி (75). வயது முதிா்வால் கடந்த மே 26-ஆம் தேதி உயிரிழந்தாா். இதனால், உறவினா்கள் இவருக்குச் சொந்தமான விவசாய நிலத்தில் சடலத்தை அடக்கம் செய்ததாகக் கூறப்படுகிறது. இந்நிலையில், அதே பகுதியைச் சோ்ந்த விவசாயி சதாசிவம் (58), தனக்குச் சொந்தமான நிலத்தில் சின்னத்தம்பியை புதைத்து விட்டதாகவும், சடலத்தை அப்புறப்படுத்த வேண்டும் எனவும் உயா்நீதிமன்றத்தில் வழக்குத் தொடா்ந்தாா்.

வழக்கை விசாரித்த நீதிமன்றம், 7 நாள்களுக்குள் உரிய நடவடிக்கை எடுக்க ஈரோடு மாவட்ட நிா்வாகத்துக்கு உத்தரவிட்டது. இதையடுத்து, வருவாய்த் துறையினா் அளவீடு செய்ததில் சதாசிவத்தின் நிலத்தில் அடக்கம் செய்யப்பட்டது தெரியவந்தது. இதைத் தொடா்ந்து பலத்த போலீஸ் பாதுகாப்புடன் சின்னத்தம்பியின் சடலம் பொக்லைன் இயந்திரம் மூலம் தோண்டி எடுக்கப்பட்டு சானாா்பாளையம் பொது மயானத்தில் மீண்டும் அடக்கம் செய்யப்பட்டது.

இந்நடவடிக்கையில் பவானி வட்டாட்சியா் சித்ரா, மண்டல துணை வட்டாட்சியா் பழனிவேலு, பவானி வட்டார வளா்ச்சி அலுவலா் கிருஷ்ணமூா்த்தி, மைலம்பாடி ஊராட்சி செயலாளா் மாரிமுத்து உள்ளிட்டோா் ஈடுபட்டனா்.