'40 முதல் 50 % சொத்துகள் அரசிடம் செல்லும் அபாயம்' - வக்பு வாரிய மசோதா குறித்து ஆ.ராசா சொல்வதென்ன?

வக்பு வாரிய மசோதவை பரிசீலிக்கும் நாடாளுமன்ற குழுவின் வரைவு அறிக்கைக்கு ஒப்புதல் அளிக்கப்பட்டிருக்கிறது.

இந்த ஒப்புதலுக்கு ஆ.ராசா உள்ளிட்ட 10 எம்பிக்கள் எதிர்ப்பு தெரிவித்து இருக்கின்றனர். இதுதொடர்பாக திமுக எம்பி ஆ.ராசா செய்தியாளர்களைச் சந்தித்து பேசி இருக்கிறார். “ 655 பக்கங்கள் கொண்ட வரைவு அறிக்கையை ஒரே நாளில் படித்து எப்படி விவாதிக்க முடியும். அது எப்படி சாத்தியமாகும். வரைவு மசோதாவில் திருத்தங்கள் மேற்கொள்ள எதிர்க்கட்சி உறுப்பினர்கள் அளித்த அனைத்து பரிந்துரைகளும் நிராகரிக்கப்பட்டிருக்கிறது. 

பா.ஜ.க. கூட்டணி கட்சி உறுப்பினர்கள் அளித்த அனைத்து திருத்தங்களும் ஏற்கப்பட்டன. இஸ்லாமியர்களுக்கு பாதுகாப்பை உறுதி செய்ய மன்மோகன் சிங் ஆட்சியில் கொண்டுவந்த பிரிவுகளை திருட்டுத்தனமாக நீக்கி இருக்கின்றனர். பெரும்பான்மை அடிப்படையில்  வரைவு அறிக்கைக்கு நாடாளுமன்ற கூட்டுக்குழு ஒப்புதல் அளித்துள்ளது. இதனால் 40 முதல் 50 சதவிகிதம் சொத்துக்கள் அரசிடம் செல்லும் அபாயம் ஏற்பட்டிருக்கிறது . வக்பு வாரிய திருத்த மசோதாவிற்கு எதிராக  கட்டாயம் நாங்கள் வழக்கு தொடருவோம். வரைவு அறிக்கை தொடர்பான எங்கள் எதிர்ப்பை உச்ச நீதிமன்றத்தில் நிச்சயம் பதிவு செய்வோம்” என்று தெரிவித்திருக்கிறார்.