90 Hours Job: 'ஸ்மார்ட்டாக வேலை செய்தால் போதும்!' - சு.வெ `டு' தீபிகா படுகொனே வலுக்கும் எதிர்ப்புகள்

'90 மணி நேரம் வேலை பார்க்க வேண்டும்' என்ற எல் அண்ட் டி தலைவர் எஸ்.என் நாராயணன் கருத்து தற்போது வைரலாகி வருகிறது. அவரின் இந்தக் கருத்திற்கு பல பக்கங்களில் இருந்தும் எதிர்ப்புகள் வந்துகொண்டே இருக்கிறது.

இதற்கு எதிர்ப்பு தெரிவித்து மதுரை எம்.பி சு.வெங்கடேசன் பதிவிட்டிருப்பதாவது, "வாரத்தில் 90 மணி நேரம் தொழிலாளர்கள் வேலை செய்ய வேண்டுமென எல் & டி தலைவர் எஸ்.என்.சுப்பிரமணியம் பேசியுள்ளார்.

தொழிலாளர்கள் 40 மணி நேரம் வேலை செய்தே சுப்பிரமணியத்தின் வருட சம்பளம் 51 கோடி. முந்தைய வருடத்தை விட 43 சதவிகித உயர்வு.

தான் மேலும் லாபமடைய தொழிலாளர்கள் 90 மணி நேரம் உழையுங்கள் என்கிறார்.

அலெக்ஜாண்டர் தனது கைகளை சவபெட்டிக்கு வெளியே விரித்து வைக்க ஏன் சொன்னார் தெரியுமா?

சுப்பிரமணியன்கள் தொடர்ந்து வருவார்கள் என்பதால் தான்.

தொழிலாளி 8 மணி நேரத்தை சட்ட உரிமை ஆக்கியது ஏன் தெரியுமா?

இது போன்ற அபத்தமான போதனைகளை நிரந்தரமாக சவப்பெட்டியில் அறையத்தான்.

நீங்கள் செல்வம் பெருக்க தொழிலாளர்களின் இணையர்களின் முகங்களை கொச்சைப்படுத்தும் துணிவை உங்களுக்கு எந்த லாபவெறி கொடுத்ததோ, அந்த லாபவெறியை முறித்து உங்களையும் மனித சுபாவத்திற்கு பக்கத்தில் கொண்டுவரத்தான் உழைப்பாளிகளின் உரிமையை இந்த உலகம் போற்றி பாதுகாக்கிறது" என்று கூறியுள்ளார்.

பாலிவுட் நடிகை தீபிகா படுகொனே, "பெரிய பதவிகளில் இருக்கும் நபர்கள் இந்த மாதிரியான கருத்துகளை கூறுவது அதிர்ச்சியளிக்கிறது" என்று தனது இன்ஸ்டாகிராம் ஸ்டோரியில் பதிவிட்டுள்ளார்.

மும்பையை சேர்ந்த பிரபல தொழிலதிபர் ஹர்ஷ் கோயங்கா, "நாம் கடினமாகவும், ஸ்மார்டாகவும் வேலை செய்ய வேண்டும். ஆனால், அதற்காக ஆபீஸ் நேரத்தை உயர்த்தக்கூடாது" என்று தெரிவித்துள்ளார்.