Bigg Boss 8 Grand Finale: `கேப்டன் ஆஃப் தி ஷிப்' -தீபக், `டாஸ்க் பீஸ்ட்' ரயான் -பிக்பாஸ் விருதுகள்

கடந்த அக்டோபர் 6-ம் தேதி ஒளிப்பரப்பாகத் தொடங்கிய 'பிக்பாஸ்' சீசன் 8 நிகழ்ச்சியின் 'Bigg Boss 8 Grand Finale' இன்று இரவு நடைபெற்று வருகிறது.

அர்னவ், ரவீந்தர், முத்துக்குமரன், ஜாக்குலின், சௌந்தர்யா உள்ளிட்ட பதினெட்டு போட்டியாளர்கள் என்ட்ரி ஆக ஆட்டம் பாட்டம் எனக் கலகலப்பாகத் தொடங்கப்பட்ட நிகழ்ச்சியில் சில வாரங்களுக்குப் பின் ராணவ், ரயான், மஞ்சரி முதலான ஆறு பேர் வைல்டு கார்டு என்ட்ரி மூலம் இணைந்தனர். மொத்தமாக 24 பேரில் அடுத்தடுத்த எவிக்‌ஷன் மூலம் ஒவ்வொருவராக வெளியேற, கடைசி வாரத்தில் பணப்பெட்டி டாஸ்க்கில் தோல்வியடைந்ததன் மூலம் மிட் வீக் எவிக்‌ஷனில் ஜாக்குலின் வெளியேற, பவித்ரா, முத்துக்குமரன், விஷால், ரயான் சௌந்தர்யா ஆகிய ஐந்து பேர் இறுதிச் சுற்றுக்கு வந்திருக்கிறார்கள். அதில் ரயான், பவித்ரா வெளியேறி இருக்கின்றனர்.

இந்த சீசனினில் விளையாடிய போட்டியாளர்களுக்கு அவர்களின் திறமையான விளையாட்டிற்கு ஏற்ப விருதுகள் வழங்கப்பட்டன. இதில் `கேப்டன் ஆஃப் தி ஷிப்' - தீபக், `மாஸ்டர் ஸ்ட்ரேட்டஜிஸ்ட்' - ஆனந்தி, `அட்டேன்ஷன் சீக்கர்' - ராணவ், `டாஸ்க் பீஸ்ட்' - ரயான், `கேம் ஜேஞ்சர்' -மஞ்சரி, `சூப்பர் ஸ்ட்ராங்' - ஜாக்குலின் என பாராட்டு விருதுகள் வழங்கப்பட்டன.