அரசு மருத்துவமனைகளில் தீயணைப்புக் கருவிகள்: சுகாதாரத் துறைச் செயலா் பதிலளிக்க உத...
காபியே கதி என இருக்கும் நபரா நீங்கள்? காபி குடிக்காமல் இருக்க முடியாதவர்கள் அந்த காபியை சரியான நேரத்தில் குடிப்பதன் மூலம் உடல்நலனுக்கு சிறந்ததாக காபியை மாற்ற முடியும் என அண்மையில் நடந்த ஆய்வில் தெரியவந்துள்ளது.
ஒரு நாளின் எந்த நேரத்தில் காபி குடிப்பதை விடவும் காலையில் குடிப்பது நல்லது என்கின்றனர் ஆய்வாளர்கள்.
இரண்டு விதமாக காபி அருந்தும் பழக்கம்!
அமெரிக்காவில் நீண்டகாலமாக நடத்தப்பட்ட இந்த ஆய்வில் 40,000க்கும் மேற்பட்டோர் கலந்து கொண்டுள்ளனர். அவர்களின் ஆரோக்கியம், ஊட்டச்சத்துகள் மற்றும் வாழ்க்கைமுறை கண்காணிக்கப்பட்டுள்ளது.
மக்கள் இரண்டு விதமாக காபி குடிப்பதைக் கண்டறிந்துள்ளனர். ஒரு சிலர் மதியத்துக்கு முன் காபி குடிக்கின்றனர். சிலர் நாள் முழுவதும் குடிக்கின்றனர்.
36%க்கும் மேலான நபர்கள் காலையில் காபி அருந்திகின்றனர். 14% பேர் நாள் முழுவதும் காபி அருந்துகின்றனர். மற்றவர்கள் இடைப்பட்ட நேரத்தில் காபி அருந்துகின்றனர்.
அமெரிக்காவின் துலானே பல்கலைக்கழகத்தில் இந்த ஆய்வு நடத்தப்பட்டுள்ளது. கிட்டத்தட்ட பத்து ஆண்டுகாலம் நடைபெற்ற இந்த ஆய்வில் பங்கேற்ற 4,295 பேர் ஆய்வு நடந்த காலத்தில் மரணமடைந்துள்ளானர்.
Coffee நல்லது!
இந்த ஆய்வில் பலவிதமான காரணிகளை ஆராய்ந்து காபி அருந்தாதவர்களை விட காபி அருந்துகிறவர்கள் மரணமடைவதற்கான வாய்ப்புகள் 16% குறைவு எனக் கண்டடைந்துள்ளனர். அதிலும் இதயநோயால் மரணமடைவதற்கான வாய்ப்புகள் 31% குறைவு எனக் கூறுகின்றனர்.
ஆனால் நாள் முழுவதும் காபி குடிப்பவர்களுக்கு காபியால் உடல் நலத்தில் எந்த பயனும் இல்லை. அவர்கள் மரணம் அடைவதற்கான வாய்ப்புகளில் மாற்றமில்லை.
யுரோபியன் ஹார்ட் ஜர்னல் பத்திரிகையில் வெளியான இந்த ஆய்வில், "நாள் முழுவதும் காபி குடிப்பதை விட காலையில் மட்டும் காபி குடிப்பது மரண வாய்ப்புகளைக் குறைக்கிறது" என அழுத்தமாகக் கூறுகின்றனர்.
காலையில் மட்டும் காபி அருந்துங்கள்!
எனவே காபி அருந்துகிறோம் அல்லது அருந்தவில்லை என்பதை விட எந்த நேரத்தில் காபி அருந்துகிறோம் என்பது முக்கியம் எனக் கூறியுள்ளனர்.
அமெரிக்காவில் நடத்தப்பட்ட இந்த ஆய்வு பிற இன மக்களிடம் எப்படி செயலாற்றும் என்பதைக் கண்டறிய மேலும் பல ஆய்வுகள் நடத்தப்பட வேண்டுமென்கின்றனர்.
இந்த ஆய்வின் முடிவுகள் காபியை நாம் அருந்து விதத்தாலும் மாறுபடும். உதாரணமாக சர்க்கரை சேர்த்து காபி அருந்துவதும் பெரும்பாலும் உடல் நலனுக்கு கேடானது என்றே மருத்துவர்கள் தெரிவித்து வருகின்றனர்.
நாள் முழுவதும் காபி அருந்துபவர்கள் இனி காலை மட்டும் காபி அருந்தும் பழக்கத்துக்கு மாறலாம் என பரிந்துரை செய்கிறது இந்த ஆய்வு.
