மணப்பாறை : `ரேஷன் கடை வேலை; எம்.எல்.ஏ பெயரைச் சொல்லி ரூ.6 லட்சம் பணம் வசூல் - எம...
மதுரை மாவட்டம், அரிட்டாபட்டியில் டங்ஸ்டன் கனிமச் சுரங்கம் அமைக்க எதிா்ப்புத் தெரிவித்து பேரணியாகச் சென்ற 5 ஆயிரம் போ் மீது போலீஸாா் வழக்குப் பதிவு செய்தனா்.
மதுரை மாவட்டம், அரிட்டாப்பட்டி பகுதியில் டங்ஸ்டன் கனிமச் சுரங்கம் அமைக்கும் திட்டத்துக்கு எதிா்ப்புத் தெரிவித்து, அந்தப் பகுதி மக்கள் தொடா் போராட்டங்களில் ஈடுபட்டு வருகின்றனா். இதன் ஒரு பகுதியாக, செவ்வாய்க்கிழமை பல்வேறு அமைப்புகளின் சாா்பில் மேலூா் தெற்குத் தெருப் பகுதியில் மாபெரும் பேரணி நடைபெற்றது.
இந்தப் பேரணிக்கு காவல் துறையினா் அனுமதி மறுத்த நிலையில், தடையை மீறி பேரணியாக வந்த விவசாயிகளை காவல் துறையினா் வெள்ளரிபட்டி, சிட்டம்பட்டி , ஒத்தக்கடை ஆகிய பகுதிகளில் தடுத்து நிறுத்த முயன்றனா். இருப்பினும், தடையை மீறி பேரணியைத் தொடா்ந்த அவா்கள் மதுரை தமுக்கம் மைதானம் பகுதியில் போராட்டத்தில் ஈடுபட்டனா்.
இதையடுத்து, தடையை மீறி பேரணியில் ஈடுபட்டதாக தல்லாகுளம் போலீஸாா், சுமாா் 5 ஆயிரம் போ் மீது வழக்குப் பதிவு செய்தனா்.
ஊரகக் காவல் துறை சாா்பில் 3 வழக்குகள் பதிவு:
இதேபோல, மதுரை ஊரகக் காவல் துறை சாா்பில், வாகனங்களில் சென்று மதுரை தல்லாகுளம் பகுதியில் ஆா்ப்பாட்டம் நடத்த மட்டுமே அனுமதி வழங்கிய நிலையில், தடையை மீறி பேரணியாகச் சென்று போக்குவரத்துக்குத் தடை ஏற்படுத்தியதாக மேலூா் காவல் நிலையத்தில் 3 வழக்குகள் வியாழக்கிழமை பதிவு செய்யப்பட்டன.
இதில் ஒரு வழக்கு ஒருபோக பாசன விவசாயிகள் சங்கச் செயலா் ரவி உள்ளிட்ட 30 போ் மீதும், மற்றொரு வழக்கு தெற்குத்தெரு கிராம முக்கியப் பிரமுகா்களான மோகன் அம்பலகாரா், மதிமாறன் உள்ளிட்ட ஆயிரம் போ் மீதும், மூன்றாவதாக பல்வேறு அமைப்புகளைச் சோ்ந்த மகாலட்சுமி, அகராதி உள்ளிட்ட 5 ஆயிரம் போ் மீதும் 3 பிரிவுகளின் கீழ் வழக்குப் பதிவு செய்தனா்.
