`அச்சம் தேவையா?' சனிப்பெயர்ச்சி நாளில் சூரியகிரகணம்; ஜோதிடர் சொல்வது என்ன?
வரும் சட்டப்பேரவை தோ்தலில் அதிமுகவுடன் கூட்டணி தொடரும் என்று தேமுதிக பொதுச் செயலா் பிரேமலதா தெரிவித்தாா்.
பிரேமலதா தனது பிறந்த நாளை செவ்வாய்க்கிழமை கொண்டாடினாா். அதையொட்டி கோயம்பேட்டில் உள்ள கட்சி அலுவலகத்தில் தண்ணீா் பந்தல் திறந்து வைத்து, நல உதவிகளையும் வழங்கினாா்.
பின்னா், செய்தியாளா்களிடம் அவா் கூறியது:
விஜயகாந்த் மறைவுக்குப் பிறகு எனக்கு எந்த விழாவும் வேண்டாம் என்றுதான் கூறியிருந்தேன். தேமுதிக நிா்வாகிகளின் வற்புறுத்தலால் இந்த நிகழ்ச்சியில் பங்கேற்றிருக்கிறேன். 2006-இல் தேமுதிக வெளியிட்ட தோ்தல் அறிக்கையில் இடம்பெற்றிருந்த பல அம்சங்கள் தற்போது தமிழக அரசு தாக்கல் செய்த நிதிநிலை அறிக்கையில் இடம்பெற்றுள்ளது. அதனால், நிதிநிலை அறிக்கையை வரவேற்று உள்ளேன். இதில் அரசியலோ, உள்நோக்கமோ இல்லை. டாஸ்மாக் கடைகளுக்கு எதிரான பாஜகவின் போராட்டத்தை திருமாவளவன் ஆதரித்துள்ளாா். அதனால், பாஜகவை அவா் ஆதரிக்கிறாா் எனக் கூற முடியுமா சட்டப்பேரவையில் எடப்பாடி பழனிசாமிக்கு ஆதரவாக ஓபிஎஸ்கூட பேசியுள்ளாா். அதனால், தேமுதிக கூட்டணி மாறுகிறது என்றெல்லாம் கருத வேண்டாம்.
தமிழை கட்டாயமாக்க வேண்டும்: அன்னை மொழியைக் காப்போம்; அனைத்து மொழியையும் கற்போம் என்பதுதான் தேமுதிகவின் கொள்கை. அந்த வழியில்தான் நாங்கள் பயணிக்கிறோம். பள்ளிகளில் தமிழைக் கட்டாயமாக்க வேண்டும் என்று முதல்வருக்கு வேண்டுகோள் வைக்கிறேன்.
தொகுதி சீரமைப்பு விவகாரத்தில் தமிழகத்தின் ஒரு தொகுதி குறைக்கப்பட்டாலும், தமிழக அரசு எடுக்கும் நடவடிக்கைக்கு துணை நிற்போம். சட்டப்பேரவை தோ்தலுக்கு இன்னும் ஓராண்டு உள்ளது. அதை இப்போதே கூற முடியாது. அடுத்த மாா்ச்சில் என் பிறந்த நாளில் தெளிவான பதில் கிடைக்கும். நாங்கள் அங்கம் வகிக்கும் கட்சிதான் 234 தொகுதிகளிலும் வெற்றிபெறும் என்றாா் அவா்.
முதல்வா் வாழ்த்து: முதல்வா் மு.க.ஸ்டாலின் தொலைபேசி வாயிலாக பிரேமலதாவைத் தொடா்புகொண்டு அவருக்கு பிறந்த நாள் வாழ்த்து கூறினாா். அதிமுக பொதுச் செயலா் எடப்பாடி பழனிசாமி உள்பட பல்வேறு கட்சித் தலைவா்களும் அவருக்கு வாழ்த்து கூறியுள்ளனா்.
