பட்டயக் கணக்காளா் தோ்வு தேதியை மாற்ற டிடிவி தினகரன் கோரிக்கை
அந்தியூா் மற்றும் சுற்றுவட்டாரப் பகுதிகளைச் சோ்ந்த பொதுமக்கள் பொழுதுபோக்க ரூ.50 லட்சத்தில் பெரிய ஏரியில் படகு இல்லம் அமைக்கப்பட்டுள்ளது. இதை முதல்வா் மு.க.ஸ்டாலின் காணொளிக் காட்சி மூலம் செவ்வாய்க்கிழமை (நவம்பா் 26) திறந்துவைக்கிறாா்.
அந்தியூா் பகுதி மக்கள் குழந்தைகள் மற்றும் குடும்பங்களுடன் சென்றுவர பொழுதுபோக்கு அம்சங்களுடன் கூடிய இடம் எதுவும் இல்லாத நிலையில், 200 ஏக்கா் பரப்பளவு கொண்ட பெரிய ஏரியில் படகு இல்லம் அமைக்க முடிவு செய்யப்பட்டது.
பொதுப் பணித் துறைக்குச் சொந்தமான இந்த ஏரிக்கு வரட்டுப்பள்ளம் அணை மற்றும் கெட்டிசமுத்திரம் ஏரி நிரம்பும்போது உபரிநீா் கால்வாய் மூலம் வந்து சேரும். இதனால், இந்த ஏரியில் ஆண்டு முழுவதும் தண்ணீா் நிறைந்து காணப்படும்.
இந்நிலையில், சுற்றுலாத் துறை சாா்பில் ரூ.50 லட்சத்தில் படகு இல்லம் அமைக்க தமிழக அரசு நிதி ஒதுக்கியது. இதையடுத்து, படகு இல்லம் அமைக்க கட்டுமானப் பணிகள் மேற்கொள்ளப்பட்டன.
படகு இல்லத்தின் முகப்பில் பூங்கா, டிக்கெட் கவுன்டா், பாா்வையாளா் மாடம் ஆகிய கட்டமைப்புகளும், குடிநீா் உள்ளிட்ட அடிப்படை வசதிகளும் இங்கு ஏற்படுத்தப்பட்டுள்ளன. முதற்கட்டமாக மூன்று படகுகள் சவாரிக்கு வைக்கப்பட்டுள்ளன. பொழுதுபோக்க வரும் பொதுமக்களின் எண்ணிக்கையை பொருத்து கூடுதல் வசதிகள் ஏற்படுத்த திட்டமிடப்பட்டுள்ளது.
இப்படகு இல்லத்தை சென்னை தலைமைச் செயலகத்திலிருந்து முதல்வா் மு.க.ஸ்டாலின் காணொளிக் காட்சி மூலம் செவ்வாய்க்கிழமை திறந்துவைக்கிறாா்.
இந்நிலையில், அந்தியூா் சட்டப் பேரவை உறுப்பினா் ஏ.ஜி.வெங்கடாசலம், சுற்றுலாத் துறை அதிகாரிகளுடன் ஞாயிற்றுக்கிழமை ஆய்வு செய்ததோடு, படகு இல்லத்தில் முன்னேற்பாடுகளைப் பாா்வையிட்டாா்.
