அனைத்து நீதிமன்றங்களிலும் துப்பாக்கி ஏந்திய போலீஸ் பாதுகாப்பு டிஜிபி உத்தரவு

தமிழகத்தில் உள்ள அனைத்து நீதிமன்றங்களிலும் துப்பாக்கி ஏந்திய போலீஸ் பாதுகாப்பு வழங்க தமிழக டிஜிபி சங்கா் ஜிவால் உத்தவிட்டுள்ளாா்.

திருநெல்வேலி கீழநத்தம் பகுதியைச் சோ்ந்த மாயாண்டி, விசாரணைக்காக திருநெல்வேலி நீதிமன்றத்தில் ஆஜராக வந்தபோது, காரில் வந்த 7 போ் கொண்ட கும்பல் அவரை வெட்டிக் கொலை செய்தது. நீதிமன்ற வளாகத்தில் நடந்த இந்தக் கொலை சம்பவம் தமிழகம் முழுவதும் பெரும் அதிா்ச்சியை ஏற்படுத்தியது.

இதையடுத்து, தமிழகம் முழுவதும் உள்ள மாவட்ட நீதிமன்றங்களில் தேவையான அளவு ஆயுதம் தாங்கிய காவலா்களை பாதுகாப்புப் பணியில் ஈடுபடுத்த வேண்டும் என நீதிமன்றம் உத்தரவிட்டிருந்தது.

இது குறித்து தமிழக டிஜிபி சங்கா் ஜிவால் வெளியிட்ட உத்தரவு:

சமீபத்தில் திருநெல்வேலி நீதிமன்ற சம்பவம் பெரும் அதிா்ச்சியை ஏற்படுத்தியுள்ளது. எனவே, தமிழகத்தில் உள்ள அனைத்து நீதிமன்ற வளாகங்களிலும் துணை ஆய்வாளா் மற்றும் மற்றொரு காவல் துறை அதிகாரி ஆகியோா் துப்பாக்கி ஏந்தி, பாதுகாப்புப் பணியில் ஈடுபட வேண்டும்.

ஏற்கெனவே உள்ள பாதுகாப்புடன் கூடுதலாக இந்தப் பாதுகாப்பு ஏற்பாடுகளும் செய்யப்பட வேண்டும். காவலா்கள் பிஸ்டல் உடன் நீண்ட தூரம் சுடும் துப்பாக்கிகள் ஆகிய இரண்டையும் வைத்திருக்க அறிவுறுத்தப்படுகிறது.

இதை பொதுமக்கள் பாதுகாப்பு மற்றும் தற்காப்புக்காகப் பயன்படுத்த வேண்டும். இது தொடா்பாக என்ன நடவடிக்கை எடுக்கப்பட்டுள்ளது என்பது குறித்து டிச.23-ஆம் தேதிக்குள் சம்பந்தப்பட்ட காவல் அதிகாரிகள் அறிக்கை தாக்கல் செய்ய வேண்டும் என்று அவா் தெரிவித்துள்ளாா்.