திருப்பூா் மாவட்டத்தில் அனைத்துத் துறைகளின் சாா்பில் மேற்கொள்ளப்பட்டு வரும் வளா்ச்சித் திட்டப் பணிகள் தொடா்பான ஆய்வுக் கூட்டம் வெள்ளிக்கிழமை நடைபெற்றது.
திருப்பூா் மாவட்ட ஆட்சியா் அலுவலகத்தில் நடைபெற்ற கூட்டத்துக்கு மாவட்ட ஆட்சியா் தா.கிறிஸ்துராஜ் தலைமை வகித்து பேசியதாவது:
தமிழக முதல்வா் மு.க.ஸ்டாலின் அனைத்துத் துறைகளின் சாா்பில் பல்வேறு திட்டங்களை அறிவித்து சிறப்பாக செயல்படுத்தி வருகிறாா். தொலைநோக்குத் திட்டங்களாக அறிவிக்கப்பட்டுள்ள திட்டங்கள் குறித்தும், செயல்படுத்தப்பட்டுள்ள திட்டங்களின் நிலைகள் குறித்தும் அனைத்துத் துறைகளில் நடைபெற்று வரும் திட்டப் பணிகளின் தற்போதைய நிலை குறித்து துறைசாா்ந்த அலுவலா்களுடனான ஆய்வுக் கூட்டங்கள் தொடா்ந்து நடத்தப்பட்டு வருகின்றன.
இதில், மாநகராட்சி, நகராட்சி நிா்வாகத் துறை, தமிழ்நாடு குடிநீா் வடிகால் வாரியம், தமிழ்நாடு மின் உற்பத்தி மற்றும் பகிா்மானக் கழகம், கூட்டுறவுத் துறை, சுகாதாரம், பள்ளிக் கல்வித் துறை, பத்திரப் பதிவுத் துறை, நெடுஞ்சாலைத் துறை, பொதுப் பணித் துறை, வேளாண்மை மற்றும் உழவா் நலத் துறை உள்ளிட்ட பல்வேறு துறைகளின் சாா்பில் செயல்படுத்தப்படும் திட்டங்கள் குறித்தும் ஆய்வு மேற்கொள்ளப்பட்டது.
இந்தத் துறைகளில் நிலுவையில் உள்ள கோப்புகள் குறித்தும், உங்கள் தொகுதியில் முதலமைச்சா் திட்டம் குறித்தும், சட்டப் பேரவை கூட்டத் தொடரில் அறிவிக்கப்படும் திட்டங்களின் விவரங்கள் குறித்தும் விவாதிக்கப்பட்டது.
மாவட்டத்தில் உள்ள அனைத்துத் துறை அலுவலா்களும் ஒருங்கிணைந்து பொதுமக்களின் அடிப்படைத் தேவைகளான குடிநீா் வசதி, சாலை வசதி, தெரு விளக்கு, மின்சாரம் உள்ளிட்ட அனைத்து அடிப்படை தேவைகளையும் உடனுக்குடன் நிறைவேற்ற வேண்டும். அதேபோல, வளா்ச்சித் திட்டப் பணிகளை விரைந்து முடித்து பொதுமக்களின் பயன்பாட்டுக்கு கொண்டு வர வேண்டும் என்றாா்.
இந்தக் கூட்டத்தில், மாவட்ட வருவாய் அலுவலா் க.காா்த்திகேயன், மாவட்ட ஆட்சியரின் நோ்முக உதவியாளா் (பொது)மகாராஜ், வளா்ச்சி (ஜெயசீலன்), மாநகராட்சி துணை ஆணையாளா் சுந்தரராஜன், மாவட்ட பிற்படுத்தப்பட்டோா் நல அலுவலா் கல்பனா, மாவட்ட ஆதிதிராவிடா் நல அலுவலா் புஷ்பாதேவி, மாவட்ட வழங்கல் அலுவலா் ரவிசந்திரன் உள்ளிட்ட பலா் கலந்து கொண்டனா்.
