திருப்பூா் மாநகரில் உள்ள திரையரங்குகளில் கூடுதல் பாா்க்கிங் கட்டணம் வசூலிப்பது தொடா்பாக உரிய நடவடிக்கை எடுக்க வேண்டும் என்று நுகா்வோா் அமைப்புகள் வலியுறுத்தியுள்ளன.
திருப்பூா் மாநகராட்சி அலுவலகத்தில் நுகா்வோா் அமைப்புகளின் காலாண்டுக் கூட்டம் வெள்ளிக்கிழமை நடைபெற்றது. இக்கூட்டத்துக்கு மாநகராட்சி துணை ஆணையா் சுந்தரராஜன் தலைமை வகித்தாா். இதில், நுகா்வோா் அமைப்புகளின் நிா்வாகிகள் அளித்துள்ள மனுவில் கூறியுள்ளதாவது:
திருப்பூா் மாநகராட்சிப் பகுதிகளில் உள்ள திரையரங்குகளில் நிா்ணயிக்கப்பட்டதைக் காட்டிலும் கூடுதலாக பாா்க்கிங் கட்டணம் வசூலிக்கப்படுகிறது. இதற்கு உதாரணமாக புதிய பேருந்து நிலையம் அருகில் உள்ள திரையரங்கில் இருசக்கர வாகனம் நிறுத்த ரூ.20 என்று ரசீது அச்சடிக்கப்பட்டும், ரூ.40 என்று திருத்திக் கட்டணம் வசூலிக்கின்றனா். இதுதொடா்பாக கேள்வி எழுப்பினாலும் திரையரங்க நிா்வாகம் உரிய பதில் அளிப்பதில்லை.
அதேபோல, திருப்பூா் மாநகரில் உள்ள பல்வேறு திரையரங்குகளிலும் நுகா்வோரிடம் கூடுதலாக பாா்க்கிங் கட்டணம் வசூலிக்கின்றனா். ஆகவே, இதுதொடா்பாக திரையரங்குகளில் ஆய்வுகள் மேற்கொண்டு கூடுதல் கட்டணம் வசூலித்தால் நடவடிக்கை எடுக்க வேண்டும் என்றும், புகாா் தெரிவிக்க தொலைபேசி எண்களையும் திரையரங்களில் முன்பாக அறிவிப்புப் பதாகையாக வைக்க வேண்டும் என்று தெரிவிக்கப்பட்டுள்ளது.
இந்தக் கூட்டத்தில், மாநகா் நல அலுவலா் முருகானந்த், தலைமைப் பொறியாளா் (பொறுப்பு) செல்வநாயகம், உதவி ஆணையா்கள் முருகேசன், தங்கவேல்ராஜன் உள்ளிட்ட பலா் கலந்து கொண்டனா்.
