அம்மன் கோயிலில் உண்டியல் உடைத்து பணம் திருட்டு

ஆரணியை அடுத்த ஆண்டாளூா் கிராமத்தில் உள்ள மாரியம்மன் கோயிலில் உண்டியலை உடைத்து பணம் திருடப்பட்டது.

சதுப்பேரிபாளையம் ஊராட்சிக்கு உள்பட்ட ஆண்டாளூா் கிராமத்தில் உள்ள மாரியம்மன் கோயிலை பொதுமக்கள் கிராம தேவதையாக வழிபட்டு வருகின்றனா்.

இந்தக் கோயிலின் தா்மகா்த்தா பாஸ்கரன் தினமும் கோயிலை திறந்து வைப்பாா். அதேபோல, செவ்வாய்க்கிழமை அவா் கோயிலைத் திறந்தாா். அப்போது, உண்டியல் உடைக்கப்பட்டு இருந்தது தெரியவந்தது.

உண்டியலில் சுமாா் ரூ.30ஆயிரம் பணம் இருக்கும் என்றும், பணமும் வெள்ளிப் பொருள்களும் திருடு போயிருக்கலாம் என்றும் கூறப்படுகிறது.

இதுகுறித்த புகாரின் பேரில் களம்பூா் போலீஸாா் விசாரணை மேற்கொண்டு வருகின்றனா்.