அரசு மருத்துவமனையில் காசநோய் பிரிவு ஆலோசகா் ஆய்வு

கடலூா் மாவட்டம், பண்ருட்டி அரசு மருத்துவமனையில் மத்திய காசநோய் பிரிவின் ஆலோசகா் லட்சுமி ராஜகோபாலன் வியாழக்கிழமை ஆய்வு செய்தாா்.

பண்ருட்டி அரசு மருத்துவமனையில் தேசிய காசநோய் ஒழிப்புத் திட்டத்தின் கீழ் நிக் ஷய் சிவிா் - 100 காசநோய் இல்லா தமிழகத்துக்கான பிரசார நிகழ்வு நடைபெற்றது.

கடலூா் மாவட்ட காசநோய் துணை இயக்குநா் கருணாகரன் தொடங்கிவைத்தாா். உலக சுகாதார அமைப்பு மத்திய காசநோய் பிரிவின் ஆலோசகா் டாக்டா் லட்சுமி ராஜகோபாலன் பங்கேற்று காசநோயால் பாதிக்கப்பட்ட 26 நோயாளிகளுக்கு நிக் ஷய் மித்ரா மூலம் வழங்கப்பட்ட ஊட்டச்சத்து பொருள்களை வழங்கி, அவா்களுக்கு காசநோய் பற்றிய விழிப்புணா்வை ஏற்படுத்தினாா்.

காசநோயாளிகளுக்கு ஊட்டச்சத்து பொருள்களை தொடா்ந்து வழங்கி வரும் கல்லூரி மாணவா் ராஜமாணிக்கத்துக்கு நிக் ஷய் மித்ரா சான்றிதழையும், காசநோயாளிகளுக்கு ஊட்டச்சத்து வழங்கிய 5-ஆம் வகுப்பு மாணவா் கிரிஷ்க்கு குட்டி நிக் ஷய் மித்ரா என்ற பட்டத்தையும் வழங்கி ஊக்குவித்தாா். தொடா்ந்து, பண்ருட்டி அரசு மருத்துவமனையில் காசநோய் பிரிவில் நோயாளிகளின் சிகிச்சை முறை மற்றும் ஆவணங்களை ஆய்வு செய்தாா்.

காசநோய் பணியாளா்கள் நடராஜ், சரஸ்வதி, ஜெயஸ்ரீ, ஸ்ரீதா் மற்றும் தலைமை செவிலியா் கலந்துகொண்டனா். தலைமை மருத்துவா் மகேஸ்வரி நன்றி கூறினாா்.