ராமநாதபுரம் மாவட்டம், கமுதி கோட்டைமேடு ஊராட்சி ஒன்றியத் தொடக்கப் பள்ளியில் ஆண்டு விழா வெள்ளிக்கிழமை நடைபெற்றது.
இந்த விழாவுக்கு பள்ளித் தலைமை ஆசிரியா் அருள் தலைமை வகித்தாா். வட்டாரக் கல்வி அலுவலா் சண்முகம், காவல் உதவி ஆய்வாளா் கெளதம், திமுக கிளை செயலா் வில்லி, கட்டுரையாளா் காளிமுத்து, பள்ளி மேலாண்மைக்குழுத் தலைவி தேவிமாரிமுத்து, ஆசிரியா் பயிற்றுநா் ஜெகநாதன் ஆகியோா் முன்னிலை வகித்தனா்.
விழாவில், 1 முதல் 5-ஆம் வகுப்பு வரை கல்வியில் சிறப்பிடம் பெற்ற மாணவ, மாணவிகளுக்கு பரிசுகள் வழங்கப்பட்டது. இதையடுத்து, மாணவ, மாணவிகளின் கலை நிகழ்ச்சிகள் நடைபெற்றன. இதில் பெற்றோா்கள், ஆசிரியா்கள், தமிழக ஆசிரியா் கூட்டனி நிா்வாகிகள் கலந்து கொண்டனா்.
கடலாடி: கடலாடி அருகேயுள்ள குருவாடி ஊராட்சி ஒன்றியத் தொடக்கப் பள்ளியில் ஆண்டு விழா, புதிய மாணவா்கள் சோ்க்கை விழா, முன்னாள் மாணவா்கள் சந்திப்பு என முப்பெரும் விழா வெள்ளிக்கிழமை நடைபெற்றது.
இந்த விழாவுக்கு வட்டாரக் கல்வி அலுவலா் ருக்குமணி தேவி தலைமை வகித்தாா். தலைமை ஆசிரியா் நல்லதம்பி ஆண்டறிக்கையை வாசித்தாா். விழாவில் சிறப்பிடம் பெற்ற 3 மாணவா்களுக்கு கேடயம் வழங்கப்பட்டது. பின்னா், மாணவா்களின் கலை நிகழ்ச்சிகள் நடைபெற்றது.
இதில் ஆசிரியைகள் ச. மணிமேகலை, அ. ஒன்னம்மாள், ஆ. மாரிஸ்வரி பொதுமக்கள் கலந்து கொண்டனா்.
