இலங்கைக்கு இந்திய பிரதமா் நரேந்திர மோடி வருகையை முன்னிட்டு, நல்லெண்ண அடிப்படையில் ராமேசுவரம் மீனவா்கள் 11 பேரை ஊா்க்காவல்துறை நீதிமன்றம் வெள்ளிக்கிழமை விடுதலை செய்தது.
ராமநாதபுரம் மாவட்டம், ராமேசுவரத்திலிருந்து 454 விசைப் படகுகளில் 3 ஆயிரத்துக்கும் மேற்பட்ட மீனவா்கள் மீன்வளம், மீனவா்கள் நலத் துறை அனுமதி பெற்று கடந்த மாதம் 27-ஆம் தேதி கடலுக்குள் மீன்பிடிக்கச் சென்றனா். இவா்கள் அன்று நள்ளிரவு கச்சத்தீவு-நெடுந்தீவுக்கு இடையே மீன்பிடித்துக் கொண்டிருந்த போது, அங்கு ரோந்துப் படகில் வந்த இலங்கைக் கடற்படையினா் ஒரு விசைப் படகை பறிமுதல் செய்தனா். மேலும், படகிலிருந்த ராமேசுவரம் மீனவா்கள் பாக்கியராஜ் (38), சவேரியாா் அடிமை (35), முத்து களஞ்சியம் (27), எபிரோன் (35), ரஞ்சித் (33), பாலா (38), யோவான்ஸ் நானன் (36), இன்னாசி (37), ஆா்னாட் ரிச்சே (36), அன்றன் (45), அந்தோணி சிசோரியன் (43) ஆகிய 11 பேரைக் கைது செய்து காங்கேசன்துறை கடற்படை முகாமுக்கு கொண்டு சென்றனா். பின்னா், மீனவா்கள் 11 பேரையும் நீரியல் துறை அதிகாரிகளிடம் இலங்கைக் கடற்படையினா் கடந்த மாதம் 28-ஆம் தேதி ஒப்படைத்தனா்.
இதில், படகு பறிமுதல் செய்யப்பட்ட நிலையில் 11 மீனவா்களையும் நீரியல்துறை அதிகாரிகளிடம் ஒப்படைத்தனா்.
எல்லை தாண்டி மீன்பிடித்ததாக இந்த மீனவா்கள் மீது வழக்குப் பதிந்து, ஊா்க்காவல்துறை நீதிமன்றத்தில் முன்னிலைப்படுத்தினா். அவா்கள் 11 பேரையும் ஏப். 9-ஆம் தேதி வரை நீதிமன்றக் காவலில் வைக்க நீதிபதி உத்தரவிட்டாா். இதையடுத்து, மீனவா்கள் யாழ்ப்பாணம் சிறையில் அடைக்கப்பட்டனா்.
ராமேசுவரம் மீனவா்கள் 11 போ் விடுதலை:
இந்திய பிரதமா் மோடியின் இலங்கை வருகையை முன்னிட்டு, நல்லெண்ண அடிப்படையில் வருகிற 9-ஆம் தேதி ஊா்க்காவல்துறை நீதிமன்றத்தில் முன்னிலைப்படுத்தப்பட வேண்டிய ராமேசுவரம் மீனவா்கள் 11 பேரும் முன்கூட்டியே வெள்ளிக்கிழமை (ஏப். 4) முன்னிலைப்படுத்தப்பட்டனா். அப்போது நீதிபதி நளினி சுபாஸ்கரன், ராமேசுவரம் மீனவா்கள் 11 பேரையும் விடுதலை செய்து உத்தரவிட்டாா்.
இதைத் தொடா்ந்து, மீனவா்கள் 11 பேரும் யாழ்ப்பாணத்தில் உள்ள இந்திய துணைத் தூதரக அதிகாரிகளிடம் வெள்ளிக்கிழமை ஒப்படைக்கப்பட்டனா்.
