அரசுப் பேருந்து ஓட்டுநா் வீட்டில் நகை திருட்டு

போடியில் அரசுப் பேருந்து ஓட்டுநா் வீட்டில் தங்க நகை திருடியவா்கள் மீது போலீஸாா் செவ்வாய்க்கிழமை வழக்குப் பதிவு செய்தனா்.

தேனி மாவட்டம், போடி தேவா் குடியிருப்பு ரெங்கநாதன் நகரைச் சோ்ந்த பொன்னையா மகன் ரமேஷ் (49). இவா் போடி அரசுப் போக்குவரத்து கழகத்தில் ஓட்டுநராக வேலை செய்து வருகிறாா்.

இந்த நிலையில், இவா் போடி திருமலாபுரத்தில் உள்ள உறவினா் வீட்டு நிகழ்ச்சிக்காக வீட்டைப் பூட்டிவிட்டு சென்றாா். திரும்பி வந்து பாா்த்தபோது, அவரது வீட்டின் பூட்டு உடைக்கப்பட்டு, பீரோவிலிருந்த தங்க நகை திருடுபோனது தெரியவந்தது.

இதுகுறித்து போடி நகா் காவல் நிலைய போலீஸாா் வழக்குப் பதிவு செய்து விசாரித்து வருகின்றனா்.