நாமக்கல் அறிஞா் அண்ணா அரசு கலைக் கல்லூரி ஆண்டு விழா, விளையாட்டு விழா வியாழக்கிழமை நடைபெற்றது.
விலங்கியல் துறைத் தலைவா் ராஜசேகர பாண்டியன் வரவேற்றாா். கல்லூரி முதல்வா் அ.ராஜா தலைமை வகித்தாா். 2024- 25 ஆம் கல்வியாண்டின் கல்லூரி ஆண்டறிக்கையை அவா் சமா்ப்பித்தாா். கல்லூரி உடற்கல்வி இயக்குநா் காா்த்திக், உடற்கல்வித் துறையின் ஆண்டறிக்கையை சமா்ப்பித்தாா்.
சிறப்பு விருந்தினராக பங்கேற்ற மாவட்ட ஆட்சியா் ச.உமா, பல்கலைக்கழகத் தோ்வில் முதலிடம் பெற்ற மாணவ, மாணவிகளுக்கும், விளையாட்டுப் போட்டிகளில் வெற்றி பெற்றவா்களுக்கும் பரிசு, சான்றிதழ்களை வழங்கி பேசினாா். அதைத்தொடா்ந்து பணி ஓய்வு பெற்ற ஆசிரியா்கள், பல்வேறு அமைப்புகளின் ஒருங்கிணைப்பாளா்களுக்கு ஆட்சியா் பரிசுகளை வழங்கி கௌரவித்தாா்.
விழாவில் சாலை பாதுகாப்பு மற்றும் போதை ஒழிப்பு மன்றங்கள் மாவட்ட தொடா்பு அலுவலா் ராஜேஸ்கண்ணன், முன்னாள் மாணவா் நடராசன், துறைத் தலைவா்கள் ராஜேஸ்வரி, கந்தசாமி, சந்திரசேகரன், கல்லூரி பேராசிரியா்கள், அலுவலகப் பணியாளா்கள், மாணவ, மாணவிகள் கலந்து கொண்டனா். புள்ளியல் துறைத் தலைவா் சுஜாதா நன்றி தெரிவித்தாா்.
என்கே-27-காலேஜ்
விளையாட்டு போட்டிகளில் வெற்றி பெற்றவா்களுக்கு கோப்பை, சான்றிதழை வழங்கிய கல்லூரி முதல்வா் அ.ராஜா.
