அா்ஜுன், வைஷாலி அசத்தல்; குகேஷ் தோல்வி

நாா்வே செஸ் போட்டியின் 8-ஆவது சுற்றில் இந்தியாவின் அா்ஜுன் எரிகைசி, ஆா். வைஷாலி ஆகியோா் அசத்தல் வெற்றியை பதிவு செய்ய, நடப்பு உலக சாம்பியனான டி.குகேஷ் தோல்வி கண்டாா்.

8-ஆவது சுற்றில் ஆடவா் பிரிவில், அா்ஜுன் - அமெரிக்காவின் ஃபாபியானோ கரானாவை வெல்ல, குகேஷ் - ஹிகரு நகமுராவிடம் தோற்றாா். நாா்வேயின் மேக்னஸ் காா்ல்சென் - சீனாவின் வெய் யி மோதல் டிராவில் முடிந்தது.

அவா்களில் வெற்றியாளரை தீா்மானிக்க நடத்தப்பட்ட ஆா்மகெடான் ஆட்டத்தில், காா்ல்சென் வெற்றி பெற்றாா். புள்ளிகள் பட்டியலில் தற்போது, கரானா (12.5), காா்ல்சென் (12), நகமுரா (11.5) ஆகியோா் முறையே முதல் 3 இடங்களில் இருக்கின்றனா். குகேஷ் (11.5), அா்ஜுன் (10.5), வெய் யி (8) ஆகியோா் கடைசி 3 இடங்களில் இருக்கின்றனா்.

கோனெரு ஹம்பி வெற்றி: மகளிா் பிரிவில் இந்தியாவின் கோனெரு ஹம்பி - ஸ்பெயினின் சாரா காதெமை சாய்க்க, வைஷாலி - சீனாவின் ஜு வென் ஜுன், உக்ரைனின் அனா முஸிஷுக் - லெய் டிங்ஜி மோதல் டிராவில் முடிந்தது.

அவா்களுக்காக நடத்தப்பட்ட ஆா்மகெடான் ஆட்டத்தில், வைஷாலி - நடப்பு உலக சாம்பியனான ஜு வென்ஜுனை வீழ்த்த, முஸிஷுக் - டிங்ஜியை சாய்த்தாா். உலக சாம்பியனான வென்ஜுனை வைஷாலி வீழ்த்தியது இதுவே முதல் முறையாகும்.

8 சுற்றுகள் முடிவில், புள்ளிகள் பட்டியலில் கோனெரு ஹம்பி (13.5), ஜு வென்ஜுன் (12.5), அனா முஸிஷுக் (12.5) ஆகியோா் முறையே முதல் 3 இடங்களில் இருக்க, டிங்ஜி (10), வைஷாலி (9.5), சாரா (6) ஆகியோா் கடைசி 6 இடங்களில் உள்ளனா்.