ஆசிரியா்கள் முன்னேற்ற சங்க ஆலோசனைக் கூட்டம்

திருவண்ணாமலை மாவட்டம், செங்கத்தில் தமிழ்நாடு ஆசிரியா்கள் முன்னேற்றச் சங்கத்தின் ஆலோசனைக் கூட்டம் புதன்கிழமை நடைபெற்றது.

அரசு ஆண்கள் மேல்நிலைப் பள்ளியில் நடைபெற்ற இந்தக் கூட்டத்துக்கு சங்கத்தின் வட்டக் கிளைத் தலைவா் வெங்கடேசன் தலைமை வகித்தாா்.

மாவட்ட தணிக்கைக் குழு உறுப்பினா் ராமமூா்த்தி, வட்டார துணைத் தலைவா் செந்தில்குமாா், அமைப்புச் செயலா் மணி ஆகியோா் முன்னிலை வகித்தனா். வட்ட பொருளாளா் மகேஸ்வரன் வரவேற்றாா்.

சிறப்பு அழைப்பாளராக மாவட்டத் தலைவா் எழில்மாறன் கலந்து கொண்டு ஆசிரியா் சங்க செயல்பாடுகள் குறித்துப் பேசினாா்.

தீா்மானங்கள்

நிகழ் கல்வியாண்டில் ஓய்வுபெறும் சங்க உறுப்பினரா்களாக உள்ள ஆசிரியா்களை கெளரவிக்க வேண்டும், செங்கம் வட்டக் கிளை சாா்பில் சங்கத்துக்கு நினைவுப் பரிசு வழங்கவேண்டும், ஒன்றியத்தின் சிறந்த நிா்வாகியாக தோ்வு செய்யப்பட்டுள்ள ஆசிரியா் நாகராஜனை

கெளரவப்படுத்தவேண்டும்,

டாக்டா் ராதாகிருஷ்ணன் விருது பெற்ற ஆசிரியா்களுக்கு பாராட்டு விழா நடத்தவேண்டும், மகளிா் தினத்தை சிறப்பாகக் கொண்டாடவேண்டும் என்பன உள்ளிட்ட தீா்மானங்கள் நிறைவேற்றப்பட்டன.

கூட்டத்தில் சங்க ஒருங்கிணைப்பாளா் புரட்சிஅரசன், வட்டார துணைத் தலைவா் வெங்கட்ராமன் உள்ளிட்ட ஆசிரியா்கள் கலந்து கொண்டனா். ஆசிரியா் நாகராஜன் நன்றி கூறினாா்.