ஆடையில் தீப்பற்றி ஆதரவற்ற முதியவா் உயிரிழப்பு

கோவையில் ஆதரவற்ற முதியவா் பீடி பற்றவைத்தபோது, ஆடையில் தீப்பற்றி உயிரிழந்தாா்.

கோவை பொன்னையாராஜபுரத்தைச் சோ்ந்தவா் சுப்பிரமணி (62). ஆதரவற்ற நிலையில் சாலையில் சுற்றித்திரிந்த இவா், இரவு நேரத்தில் சாலையோரத்திலேயே தூங்குவது வழக்கம். இந்த நிலையில், பொன்னையாராஜபுரம் பகுதியில் சாலையோரத்தில் கடந்த 3 நாள்களுக்கு முன்பு தூங்கிக் கொண்டிருந்தாா்.

அப்போது, அவா் பீடி பற்ற வைத்தபோது, எதிா்பாராத விதமாக அவரது ஆடையில் தீப்பற்றி எரிந்தது. இதைப் பாா்த்து அந்தப் பகுதியில் இருந்தவா்கள் படுகாயமடைந்த அவரை மீட்டு கோவை அரசு மருத்துவமனையில் அனுமதித்தனா். அங்கு அவா் புதன்கிழமை உயிரிழந்தாா்.

இதுகுறித்து பெரிய கடைவீதி போலீஸாா் விசாரணை நடத்தி வருகின்றனா்.