சென்னையில் குழாய் மூலம் வீடுகளுக்கு எரிவாயு விநியோகம்: விரைவில் அமல்!
'இது எங்க குழந்தைகளுடைய எலும்புத் துண்டுகள்' - 2 குழந்தைகள் கொன்று புதைத்த இளம்பெண் காதலனுடன் கைது
Admin
- 5 hours ago
கேரள மாநிலம் திருச்சூர் புதுக்காடு காவல் நிலையத்தில் நேற்று முன்தினம் இரவு இளைஞர் ஒருவர் சென்றார். மது போதையில் இருந்த அந்த இளைஞர் ஆம்பல்லூரைச் சேர்ந்தவர் எனவும், தனது பெயர் பபின்(25) என்றும் கூறினார். பின்னர், சில எலும்புகளை காட்டி இது தனது இரண்டு குழந்தைகளின் எலும்புகள் என கூறினார். அதிர்ச்சி அடைந்த காவல்துறை அதிகாரிகள் போலீஸ் சர்ஜன் மூலம் எலும்புகளை பரிசோதித்தனர். அதில் பிறந்த பச்சிளம் குழந்தைகளின் எலும்புகள் என்பது உறுதி ஆனது.
எதிர்காலத்தில் ஏமாற்றினால்..!
இதையடுத்து போலீஸ் விசாரணையில் பபின் கூறுகையில், "மட்டனூரைச் சேர்ந்த அனீஷா(22) என்ற இளம் பெண்ணுடன் 5 ஆண்டுகளுக்கு முன்பு முகநூலில் பழக்கம் ஏற்பட்டது. இருவரும் காதலித்ததுடன், வீட்டுக்குத் தெரியாமல் நெருக்கமாக இருந்தோம். அதன் மூலம் 2 ஆண் குழந்தைகள் பிறந்தன. அனீஷா முதல் குழந்தையை கொலை செய்து தனது வீட்டுக்கு பின்புறம் புதைத்துவிட்டார். இரண்டவதாக பிறந்த குழந்தையின் மூச்சை நிறுத்திவிட்டு, பையில் போட்டு என்னிடம் கொண்டுவந்து தந்தார். நான் அந்த குழந்தையின் உடலை எனது வீட்டுக்கு அருகே புதைத்தேன். குழந்தைகளின் ஆன்மா சாந்தியடைய சில கிரியைகள் செய்ய வேண்டும் எனக்கூறி முதல் குழந்தையின் எலும்புகளை அனீஷாவிடம் இருந்து வாங்கினேன். நான் புதைத்த 2-வது குழந்தையின் எலும்புகளையும் சேகரித்து பாதுகாப்பாக வைத்தேன். எதிர்காலத்தில் திருமணம் செய்யாமல் ஏமாற்றினால் ஆதாரமாக இருக்கட்டும் என அந்த எலும்புகளை வைத்திருந்தேன். இப்போது என்னை திருமணம் செய்யாமல் என்னிடம் வாக்குவாதம் செய்ததால் நான் காவல் நிலையத்துக்கு வந்துவிட்டேன்" என்றார்.
பெற்றோருக்கே தெரியாது..!
இதனை கேட்டு அதிர்ந்த புதுக்காடு போலீஸார் உடனடியாக மட்டனூருக்குச் சென்று அனீஷாவை காவல் நிலையத்துக்கு அழைத்துச் சென்று விசாரணை நடத்தினர். அதில் முதல் குழந்தை பிறந்தபோதே தொப்பிள் கொடி கழுத்தில் சுற்றியதில் இறந்துவிட்டது. இரண்டாவது குழந்தையை கொலைச்செய்தது உண்மைதான் என ஒப்புக்கொண்டுள்ளார். அதன்பின்னர் குழந்தைகளை புதைக்கப்பட்ட இடங்களுக்கு சென்று போலீஸார் விசாரணை நடத்தினர். பபினையும் அனீஷாவையும் போலீஸார் கைது செய்தன்ர். போலீஸார் கூறிய பிறகுதான் அனீஷா 2 குழந்தைகளை பெற்றதுடன் அவற்றை கொலை செய்த விபரம் பெற்றோருக்கே தெரியவந்துள்ளது. கொலையை நேரில் கண்ட சாட்சிகள் இல்லாததால் எலும்புத்துண்டுகளை டி.என்.ஏ பரிசோதனைக்கு அனுப்பி, லேப் ரிப்போர்ட் போன்ற ஆதாரங்களை சேகரிக்க போலீஸார் நடவடிக்கை எடுத்துள்ளனர்.
இதுகுறித்து திருச்சூர் ரூரல் எஸ்.பி கிருஷ்ணகுமார் கூறுகையில், "பபினுக்கும், அனீஷாவுக்கும் 5 ஆண்டுகளுக்கு முன்பு முகநூல் மூலம் பழக்கம் ஏற்பட்டது. அப்போது பபினுக்கு 20 வயதும், அனீஷாவுக்கு 18 வயதும் ஆகியிருந்தது. இருவரும் காதலிகத் தொடங்கியதுடன் திருமணம் செய்யவும் முடிவு செய்தனர். காதலித்து ஓராண்டில் அனீஷா கர்ப்பமானார். 2021 நவம்பர் 6-ம் தேதி ஆண் குழந்தை ஒன்றை பெற்றெடுத்தார். உடனே குழந்தையை கொலைசெய்து, உடலை தனது வீட்டுக்கு பின்பக்கம் உள்ள இடத்தில் குழிதோண்டி புதைத்தார்.
இரண்டாவது முறையாக கர்ப்பமான அனீஷா 2024-ம் ஆண்டு ஆகஸ்ட் 29-ம் தேதி இரண்டாவதாக ஆண் குழந்தையை பெற்றெடுத்தார். அந்த குழந்தையை கொலைசெய்து காதலன் பபினிடம் கொடுத்துள்ளார். குழந்தையின் உடலை தனது வீட்டுக்கு அருகே புதைத்துள்ளார் பபின். அவர்கள் மீது கொலை, ஆதாரங்களை அழித்தல் உள்ளிட்ட பிரிவுகளில் வழக்குப்பதிவு செய்யப்பட்டுள்ளது" என்றார்.
