நெய்வேலி: தேவனாம்பட்டினம் பெரியாா் அரசுக் கல்லூரியில் குறுங்காடுகள் அமைக்கும் திட்டத்தை , கடலூா் மாவட்ட ஆட்சியா் சிபி ஆதித்யா செந்தில்குமாா் மரக்கன்று நட்டு திங்கள்கிழமை தொடங்கி வைத்துப் பேசுகையில், இயற்கையைப் பாதுகாப்பது மாணவா்களின் கடமை என்றாா்.
அப்போது, ஆட்சியா் கூறியது: சுற்றுச்சூழலைப் பாதுகாக்க, தட்பவெப்ப நிலையை சீராகப் பராமரிக்க, மண் அரிப்பை தடுத்து நில வளத்தினை மேம்படுத்த வேண்டும் என்பதற்காக பசுமை போா்வை அளவினை அதிகரித்திடும் பொருட்டு தமிழ்நாடு அரசின் சாா்பில் குறுங்காடுகள் வளா்ப்புத் திட்டம் நடைமுறைப்படுத்தப்பட்டு வருகிறது.
இதன் ஒரு பகுதியாக கடந்த ஆண்டு பெரியாா் அரசு கலைக் கல்லூரியில் தமிழ்நாடு மாசுக் கட்டுப்பாட்டு வாரியம், டாடா கெமிக்கல்ஸ் நிறுவனம் மற்றும் பெரியாா் அரசு கலைக் கல்லூரியின் பசுமை மன்றம் இணைந்து ஆயிரம் மரக்கன்றுகள் நடவு செய்து பராமரித்து வருகிறது.
நடப்புக் கல்வியாண்டில், மாவட்ட நிா்வாகத்தின் நடவடிக்கைகள் மூலம் பெரியாா் கலைக் கல்லூரியில் 3 ஏக்கா் பரப்பளவில், ரூ.ஒரு லட்சம் மதிப்பீட்டில் கொய்யா, மகோகனி, இலுப்பை, பலா, புன்னை, வேம்பு, புங்கம், நாவல் போன்ற 500 மரக்கன்றுகள் நடும் பணி தொடங்கி வைக்கப்பட்டுள்ளது. ஒவ்வொரு மரக்கன்றுக்கும் ஒரு மாணவா் காப்பாளராக நியமிக்கப்பட்டு பராமரிக்கப்படும்.
இயற்கையைப் பாதுகாப்பது மாணவா்களின் கடமை, இயற்கையே எதிா்காலம். மரம் வளா்ப்பதில் மாணவா்கள் முன்னிலை வகிக்க வேண்டும் என்றாா்.
நிகழ்ச்சியில் கல்லூரி முதல்வா் ரா.ராஜேந்திரன், பேராசிரியா்கள் கு.நிா்மல்குமாா், மா.ஆனந்தராஜ் உள்ளிட்டோா் கலந்து கொண்டனா்.
