பாலியல் குற்றவாளிகளுக்கு சா்ச்சை தண்டனை: ராஜஸ்தான் ஆளுநா் கருத்தால் பரபரப்பு
நெய்வேலி: கடலூா் மாவட்ட ஆட்சியா் அலுவலகக் கூட்டரங்கில் திங்கள்கிழமை நடைபெற்ற பொதுமக்கள் குறைதீா் நாள் கூட்டத்தில் 9 மாற்றுத்திறனாளிகளுக்கு ரூ.6.54 லட்சம் மதிப்பிலான அரசின் நலத்திட்ட உதவிகளை, ஆட்சியா் சிபி ஆதித்யா செந்தில்குமாா் வழங்கினாா்.
மக்கள் குறைதீா்க்கும் நாள் கூட்டத்திற்கு ஆட்சியா் சிபி ஆதித்யா செந்தில்குமாா் தலைமை வகித்தாா். மாவட்டத்தின் பல்வேறு பகுதிகளில் இருந்து வந்த சுமாா் ஆயிரம் போ் தங்கள் கோரிக்கை மற்றும் புகாா் மனுக்களை ஆட்சியரிடம் வழங்கினா்.
முகாமில், மாற்றுத்திறனாளிகள் நலத்துறை சாா்பில் 6 மாற்றுத்திறனாளி பயனாளிகளுக்கு தலா ரூ.1,07,000 வீதம் மொத்தம் ரூ.6,42,000 மதிப்பீட்டில் பேட்டரியால் இயங்கும் சக்கர நாற்காலிகள், 2 மாற்றுத்திறனாளிகளுக்கு தலா ரூ.4,700 வீதம் மொத்தம் ரூ.9,400 மதிப்பில் செயற்கை கால்கள், மனு அளித்த ஒரு மாற்றுத்திறனாளி பயனாளிக்கு ரூ.2,745 மதிப்பில் காதொலிக் கருவியை மாவட்ட ஆட்சியா் வழங்கினாா்.
இந்தக் கூட்டத்தில் மாவட்ட வருவாய் அலுவலா் ம.ராஜசேகரன், ஆட்சியரின் நோ்முக உதவியாளா் (பொது) ரவி, மாவட்ட வழங்கல் அலுவலா் ராஜீ, உதவி ஆணையா் (கலால்) சந்திரகுமாா், தனித் துணை ஆட்சியா் ரமா உள்ளிட்ட பலா் கலந்துகொண்டனா்.
