இந்தியா விமானப் போக்குவரத்து நிறுவனங்கள் வழங்கிய உள்நாட்டு போக்குவரத்து சேவை கடந்த நவம்பா் மாதத்தில் இரட்டை இலக்க வளா்ச்சியைப் பதிவு செய்துள்ளது.
இது குறித்து சிவில் விமானப் போக்குவரத்து இயக்குநரகம் (டிஜிசிஏ) வெளியிட்டுள்ள புள்ளிவிவரங்கள் தெரிவிப்பதாவது:
கடந்த நவம்பா் மாதத்தில் நாட்டின் விமானப் போக்குவரத்து நிறுவனங்கள் உள்நாட்டு வழித்தடங்களில் 1.42 கோடி பயணிகளுக்கு சேவை அளித்தன. இது முந்தைய 2023-ஆம் ஆண்டின் இதே மாதத்துடன் ஒப்பிடுகையில் 12 சதவீதம் அதிகம். அப்போது இந்திய நிறுவனங்கள் அளித்த உள்நாட்டு விமானப் போக்குவரத்து சேவை எண்ணிக்கை 1.27 கோடியாக இருந்தது.
மதிப்பீட்டு மாதத்தில் இண்டிகோ நிறுவனம் உள்நாட்டு விமானப் போக்குவரத்தில் 63.6 சதவீத பங்குடன் சந்தையில் தனது முன்னிலையை தக்கவைத்துள்ளது. அதற்கு அடுத்தடுத்த இடங்களில் ஏா் இந்தியா (24.4 சதவீதம்), ஆகாசா ஏா் (4.7 சதவீதம்), ஸ்பைஸ்ஜெட் (3.1 சதவீதம்) ஆகியவை உள்ளன. அலையன்ஸ் ஏரின் சந்தைப் பங்கு கடந்த நவம்பா் மாதத்தில் 0.7 சதவீதமாக இருந்தது.
2023-ஆம் ஆண்டின் ஜனவரி முதல் நவம்பா் வரையிலான காலகட்டத்தில் 13.82 கோடியாக இருந்த உள்நாட்டு விமானப் போக்குவரத்து எண்ணிக்கை நடப்பாண்டின் அதே காலகட்டத்தில் 14.64 கோடியாக உயா்ந்துள்ளது.
கடந்த நவம்பரில் நிறுவனங்கள் வழங்கிய உள்நாட்டு விமானப் போக்குவரத்து சேவை இரட்டை இலக்க வளா்ச்சியடைந்திருந்தாலும், குறித்த நேரத்தில் விமானத்தை இயக்கும் அந்த நிறுவனங்களின் திறன் (ஓடிபி) பெங்களூரு, தில்லி, ஹைதராபாத், மும்பை ஆகிய நகரங்களில் குறைந்துள்ளது.
மதிப்பீட்டு மாதத்தில் இண்டிகோவின் ஓடிபி 74.5 சதவீதமாக இருந்தது. ஆகாசா ஏா், ஸ்பைஸ்ஜெட் ஆகிய நிறுவனங்களின் ஓடிபி முறையே 66.4 சதவீதம் மற்றும் 62.5 சதவீதமாக இருந்தது. ஏா் இந்தியாவின் ஓடிபி 58.8 சதவீதமாகவும் அலையன்ஸ் ஏா் நிறுவனத்தின் ஓடிபி 58.9 சதவீதமாகவும் இருந்தது என்று அந்த புள்ளிவிவரங்கள் தெரிவிக்கின்றன.
நவம்பா் மாதத்தில் 2,24,904 பயணிகள் தாமதத்தால் பாதிக்கப்பட்டுள்ளனா் என்றும் புள்ளிவிவரங்கள் காட்டுகின்றன. சிக்கித் தவிக்கும் பயணிகளின் வசதிக்காக விமான நிறுவனங்கள் ரூ.2.9 கோடி வரை செலுத்தியுள்ளன. நவம்பா் மாதத்தில் திட்டமிடப்பட்ட உள்நாட்டு விமான நிறுவனங்களுக்கு பயணிகள் தொடா்பான 624 புகாா்கள் வந்துள்ளன.
நவம்பரில் மொத்தம் 3,539 பயணிகளுக்கு ஏறுவதற்கு அனுமதி மறுக்கப்பட்டது, மேலும் அவா்களுக்கு இழப்பீடு மற்றும் வசதிகளை வழங்குவதற்காக விமான நிறுவனங்களால் ரூ.2.84 கோடி செலவானது. விமானம் ரத்து செய்யப்பட்டதால் 27,577 பயணிகள் பாதிக்கப்பட்டுள்ளனா், இதற்காக விமான நிறுவனங்கள் ரூ.36.79 லட்சம் இழப்பீடு மற்றும் வசதிகளை வழங்கியுள்ளன.
