Bigg Boss Tamil 8: இந்த வாரம் `அவுட்’ ஆன இரண்டு பேர் - ஏமாற்றத்துடன் வெளியேறிய பெண் போட்டியாளர்?

பிக்பாஸ் தமிழ் 8 கிளைமேக்ஸை நோக்கி விறுவிறுப்பாகப் போய்க் கொண்டிருக்கிறது. பதினெட்டு போட்டியாளர்களுடன் அக்டோபர் முதல் வாரத்தில் தொடங்கிய நிகழ்ச்சியில் பிறகு ஆறு பேர் வைல்டு கார்டு எண்ட்ரி மூலம் இணைந்தனர்.

24 போட்டியாளர்களில் அடுத்தடுத்த எவிக்‌ஷன் மூலம் கடந்த வாரம் வரை 12 பேர் வெளியேறியிருந்தனர். மீதி 12 பேர் இருக்க, இந்த வார எவிக்‌ஷனுக்கான ஷூட் இன்று காலை பிக் பாஸ் செட்டில் தொடங்கியது. தற்போது வரை ஷூட் போய்க் கொண்டிருக்கும் நிலையில், இந்த வாரம் பிக்பாஸ் வீட்டை விட்டு வெளியேறியவர்கள் குறித்த தகவல் தற்போது நம்பத்தகுந்த வட்டாரங்களிலிருந்து கிடைத்துள்ளது.

அதன்படி நாமினேஷன் பட்டியலில் இருந்தவர்களிலேயே மக்கள் ஓட்டுகள் அடிப்படையில் குறைவாக ஓட்டு வாங்கிய அன்ஷிதாவும் ஜெஃப்ரியும் பிக்பாஸ் வீட்டிலிருந்து வெளியேறியிருக்கிறார்களாம்.

அன்ஷிதா பிக்பாஸ் நிகழ்ச்சிக்குள் சென்ற போது ஒருவித எதிர்பார்ப்பு இருந்தது. ஏனெனில் இவருடன் இணைத்து மீடியா செய்திகளில் அடிபட்ட அர்னவும் பிக்பாஸுக்குள் சென்றார். எனவே இவர்கள் இருவரையும் வைத்து கன்டென்ட் கிடைக்குமென பேசினார்கள். ஆனால் அர்னவ் ஒருசில வாரங்களிலேயே எவிக்ட் ஆகி வெளியேறி விட்டார்.

மேலும் அன்ஷிதாவுமே பணப்பெட்டி டாஸ்க் வரை நிகழ்ச்சியில் நீடித்தால் பணத்தை எடுத்துக் கொண்டு வெளியேறும் ஒரு முடிவில் ஆரம்பத்திலிருந்ததாகவும் சொல்லப்பட்டது. இதுகுறித்தும் நாம் செய்தி வெளியிட்டிருந்தோம்.

ஆனால் தற்போது பணப்பெட்டி வைக்கப்படும் முன்னரே எவிக்ட் ஆகியிருக்கிறார் என்ற தகவல் வெளியாகி இருக்கிறது.

ஜெஃப்ரியைப் பொறுத்தவரை பிக்பாஸ் வீட்டுக்குள் பெண் போட்டியாளர்களிடம் பழகுவதிலேயே முக்கால்வாசி நேரத்தைக் கழித்து வந்தார் என்று சொல்லலாம். எனவே இத்தனை நாள் இருந்ததே சாதனைதான் என்கிறார்கள்.

இந்த சீசன் தொடங்கியது முதல் இதுவரை இரண்டு முறை டபுள் எவிக்‌ஷன் நிகழ்ந்துள்ள நிலையில் இடந்த வாரமும் இரண்டு பேர் அவுட் ஆகியுள்ளனர். இவர்களில் அன்ஷிதா வெளியேறிய எபிசோடு இன்றே ஒளிபரப்பாகலாமென எதிர்பார்க்கப்படுகிறது. ஜெஃப்ரி எபிசோடு நாளை ஒளிபரப்பாகலாம்.!