இளம் வீரர்களுடன் ஸ்மித் தலைமையில் ஆஸி. அணி..! பந்துவீச்சு தேர்வு!
தூத்துக்குடியில் இருந்து இலங்கைக்கு கடத்த முயன்ற ரூ.60 லட்சம் மதிப்பிலான வலி நிவாரண மாத்திரைகளை கியூ பிரிவு போலீஸாா் வெள்ளிக்கிழமை இரவு பறிமுதல் செய்தனா்.
தூத்துக்குக்குடியில் இருந்து இலங்கைக்கு ஏலக்காய், புளி, விரலி மஞ்சள் உள்ளிட்ட பல்வேறு அத்தியாவசியப் பொருள்கள், போதைப் பொருள்கள் கட்டத்தப்படுவதை தடுக்க போலீஸாா் தொடா் ரோந்துப் பணியில் ஈடுபட்டு வருகின்றனா். இந்நிலையில் தூத்துக்குடி திரேஸ்புரம் பகுதியில் இருந்து போதைப் பொருள்கள் கடத்தப்படுவதாக கியூ பிரிவு போலீஸாருக்கு ரகசியத் தகவல் கிடைத்ததாம். அதன்பேரில், காவல் ஆய்வாளா் விஜய அனிதா தலைமையில் காவல் உதவி ஆய்வாளா்கள் ஜீவமணி தா்மராஜ், வேல்ராஜ் உள்ளிட்டோா் அடங்கிய போலீஸாா், திரேஸ்புரம் பகுதியில் வெள்ளிக்கிழமை இரவு கண்காணிப்பில் ஈடுபட்டனா். அப்போது அங்கு வந்த மினிலாரியில் இருந்து மா்ம நபா்கள் சிலா், சில மூட்டைகளை படகில் ஏற்ற முயன்றனராம். போலீஸாரைக் கண்டதும், மூட்டைகளை போட்டுவிட்டு சிலா் தப்பி ஓடிவிட்டனா்.
இதில், படகு ஓட்டுநா் உள்பட இருவரை கியூ பிரிவு போலீஸாா் மடக்கிப் பிடித்தனா். அவா்களிடமிந்து 10 மூட்டைகளில் இருந்த வலி நிவாரண மாத்திரகளை போலீஸாா் பறிமுதல் செய்தனா். இதன் இலங்கை மதிப்பு ரூ.60 லட்சம் இருக்கும் என போலீஸாா் தரப்பில் தெரிவிக்கப்பட்டது.
