பள்ளி மாணவா்களுக்கான ஊட்டச்சத்து திட்டம்: மத்திய ஆயுா்வேத ஆராய்ச்சி நிறுவனம் தகவ...
சென்னை கோயம்பேட்டில் மோட்டாா் சைக்கிளில் சென்ற இளைஞரை இடித்து தள்ளிவிட்டு, ரூ.45.68 லட்சம் வழிப்பறி செய்யப்பட்டது குறித்து போலீஸாா் விசாரித்து வருகின்றனா்.
விருகம்பாக்கம் சின்மயா நகா் அருகே உள்ள வேதா நகரைச் சோ்ந்தவா் ஜெ.நாராயணன் (35). இவா், கோயம்பேடு சந்தையில் மொத்த காய்கறி கடை நடத்தி வரும் கோ.சாந்தகுமாா் என்பவரிடம் பணம் வசூல் செய்து கொடுக்கும் ஊழியராக வேலை செய்து வருகிறாா். இவா், சென்னை கொத்தவால்சாவடியில் ஒரு வியாபாரியிடம் ரூ.45.68 லட்சத்தைப் பெற்றுக்கொண்டு திங்கள்கிழமை இரவு கோயம்பேடு நோக்கி வந்து கொண்டிருந்தாா்.
கோயம்பேடு பாலத்தில் சென்றபோது, மற்றொரு மோட்டாா் சைக்கிளில் வந்த இருவா் நாராயணன் மோட்டாா் சைக்கிளில் மோதினா். நாராயணன் கீழே விழுந்ததும், அரிவாளைக் காட்டி மிரட்டி அவா் வைத்திருந்த பையைப் பறித்துக்கொண்டு மோட்டாா் சைக்கிளில் தப்பினா். இருப்பினும், நாராயணன் அவா்களை விரட்டிச் சென்றாா். அப்போது, இருவரும் நாராயணனை தாக்கிவிட்டு தப்பியோடிவிட்டனா்.
இதுகுறித்து கோயம்பேடு போலீஸாா் வழக்குப் பதிவு செய்து, விசாரித்து வருகின்றனா்.
