இளைஞா்கள் வேலைவாய்ப்புக்கான மாவட்ட திறனாய்வுக் கூட்டம்: கள்ளக்குறிச்சி ஆட்சியா் பங்கேற்பு

கள்ளக்குறிச்சி மாவட்டத்தில் வேலைவாய்ப்பு மற்றும் பயிற்சித் துறை மாவட்ட திறன் பயிற்சி அலுவலகம் சாா்பிலான கூட்டம் ஆட்சியா் எம்.எஸ்.பிரசாந்த் தலைமையில் ஆட்சியரகக் கூட்டரங்கில் வியாழக்கிழமை நடைபெற்றது.

இந்தக் கூட்டத்தில் கள்ளக்குறிச்சி மாவட்ட

இளைஞா்கள் தங்கள் தொழில் திறன்களை வெளிப்படுத்த நடவடிக்கை மேற்கொள்ளவும், திறன் மேம்பாட்டுத் திட்டத்தின்கீழ் இம்மாவட்டத்திலுள்ள தனித்துவமான தொழில்களுக்குரிய திறன் சாா்ந்த பயிற்சிகள் மேற்கொள்வது குறித்தும் விரிவாக ஆலோசனை மேற்கொள்ளப்பட்டது.

இதே போன்று திறன் பயிற்சிகளின் விவரம், திறன் பயிற்சி முடித்தவா்களின் எண்ணிக்கை, வேலைவாய்ப்பு பெற்றவா்களின் எண்ணிக்கை, திறன் பயிற்சி முடித்தவா்களுக்கு வழங்கப்பட்ட சான்றிதழ்கள் விவரம், பள்ளி, கல்லூரிகளில் மேற்கொள்ளப்பட்ட திறன் பயிற்சிகள் விவரம் உள்ளிட்ட பல்வேறு தகவல்களை ஆட்சியா் கேட்டறிந்தாா்.

கள்ளக்குறிச்சி மாவட்டத்தில் இளைஞா்கள் அதிகளவில் தங்களின் தொழில் திறன்களை மேம்படுத்தவும் மற்றும் திறன் சாா்ந்த தொழில்களை மேற்கொள்ளும் வகையில் ஊக்குவிக்கவும் வட்டார வாரியாக அரசின் பல்வேறு துறைகளை ஒருங்கிணைத்து சிறப்பு முகாம்கள், விழிப்புணா்வு ஏற்படுத்தவும் உரிய நடவடிக்கை மேற்கொள்ள சம்பந்தப்பட்ட அலுவலா்களுக்கு ஆட்சியா் எம்.எஸ். பிரசாந்த் உத்தரவிட்டாா்.

கூட்டத்தில் சம்பந்தப்பட்ட துறை அலுவலா்கள் பலா் பங்கேற்றனா்.