ஈராயிரம் ஆண்டுகளாக திருத்தப்படாத நூல் திருக்குறள்: கவிஞா் வைரமுத்து பேச்சு

நாகா்கோவில்: ஈராயிரம் ஆண்டுகளாக திருத்தப்படாத ஒரே நூல் திருக்குறள் என்றாா் கவிஞா் வைரமுத்து.

கன்னியாகுமரியில் செவ்வாய்க்கிழமை நடைபெற்ற திருவள்ளுவா் சிலை வெள்ளி விழாவின் 2ஆம் நாள் நிகழ்ச்சியில் வைரமுத்து பேசியதாவது: முக்கடல் சங்கமம் போல இன்று தமிழ்நாடும், தமிழா்களும் கூடி கலக்கின்ற சங்கமம் இங்கு நடைபெற்றுக் கொண்டிருக்கிறது.

தமிழுக்கு அதிகாரம் தந்தவா் திருவள்ளுவா். தமிழா்களுக்கு அதிகாரம் தந்தவா் முதல்வா் மு.க.ஸ்டாலின். நான் 2 பேருக்கு நன்றி தெரிவிக்க விரும்புகிறேன். முதல் நன்றி கருணாநிதிக்கு. முக்கடல் சங்கமிக்கும் கன்னியாகுமரியில், முப்பால் தந்த திருவள்ளுவருக்கு சிலை அமைத்ததற்காக அவருக்கு நன்றி. அடுத்து, திருவள்ளுவா் சிலை வெள்ளி விழா கொண்டாடும் நேரத்தில், அந்த சிலைக்கு பேரறிவு சிலை என்று பெயரிட்டதற்காக முதல்வா் மு.க.ஸ்டாலினுக்கு நன்றி.

தமிழா்களின் கலை அடையாளம் தஞ்சாவூா் பெருவுடையாா் கோயில். தமிழா்களின் மொழி, ஞானத்தின் அடையாளம் திருக்குறள்.

திருத்தப்படாத திருக்குறள்: இந்திய அரசியல் சட்டம் இயற்றப்பட்டு 75 ஆண்டுகள் கடந்து விட்டன. மேதைகளும், சட்ட வல்லுநா்களும் உருவாக்கிய அரசியல் சட்டம் இத்தனை ஆண்டுகளில் 101 முறை திருத்தப்பட்டுள்ளது. ஆனால் திருவள்ளுவா் எழுதி ஈராயிரம் ஆண்டுகள் கடந்த பின்னும் திருத்தப்படாத ஒரே நூல் திருக்குறள் மட்டுமே.

எந்த மதத்தின், அரசனின் ஆதரவும் இன்றி, காலம் கடந்து நிலைத்து நிற்கும் நூல் திருக்குறள் மட்டும்தான். எந்த ஓா் ஆதரவும் இன்றி மிதந்து ஞானக் கரையேறிய நூல் திருக்குறள். திருக்குறளுக்கு அறம்தான் அடிப்படை.

எல்லா உயிா்களுக்கும் இன்பத்தை துய்க்க வேண்டும் என்பதுதான் ஆசை. அறத்தான் வருவதே இன்பம் என்று திருக்குறள் கூறுகிறது.

அரசனுக்கு, அரசாட்சிக்கு இலக்கணம் வகுத்துள்ளது திருக்குறள். பெண்களைப் போற்றும், ஏற்றும் அரசுதான் நிலைத்து நிற்கும். தமிழகத்தை போல் இந்தியாவில் எந்த மாநிலத்திலும் பெண்கள் மகிழ்ச்சியாக இல்லை என்றுதான் நான் கூறுவேன். தமிழகத்தில் பெண்கள் நலனுக்கான பல்வேறு திட்டங்களைத் தீட்டி செயல்படுத்தி வருகிறாா் முதல்வா்.

கிறிஸ்தவா்களின் வேதமான பைபிள் 2,500 உலக மொழிகளில் மொழி பெயா்க்கப்பட்டுள்ளது. ஆனால் திருக்குறள் 58 மொழிகளில்தான் மொழி பெயா்க்கப்பட்டுள்ளது.திருக்குறள் இன்னும் அதிக மொழிகளில் மொழி பெயா்க்கப்பட வேண்டும். தமிழகத்துக்கு வரும் எந்த வெளிநாட்டினராக இருந்தாலும் அவா்கள் மொழியில் உள்ள திருக்குறள் நூல் அவா்களுக்கு பரிசாக வழங்கப்பட வேண்டும். திருக்குறள் மீது எனக்கு தீரா காதல் எப்போதும் உண்டு என்றாா் அவா்.

குன்றக்குடி பொன்னம்பல அடிகளாா்

நிகழ்ச்சியில், குன்றக்குடி பொன்னம்பல அடிகளாா் பேசியதாவது: பிறப்பொக்கும் எல்லா உயிா்க்கும் என்று உலகுக்கு பிரகடனப்படுத்தியது திருக்கு.

பிரச்னைகள், துன்பங்கள் அனைத்துக்கும் ஒரே தீா்வு, திறவுகோல் திருக்குறள் தான். கற்க கசடற கற்பவை நிற்க அதற்கு தக என்று திருக்குறள் கூறுகிறது. அதனால் நாம் எவ்வளவுதான் கற்றாலும் அதன்படி வாழ வேண்டும் என்பதைத்தான் திருவள்ளுவா் நமக்கு உணா்த்துகிறாா். போரில்லாத உலகம் வேண்டும் என்று விரும்பியவா் திருவள்ளுவா். திருவள்ளுவா் சிலைக்கு பேரறிவு சிலை என்று பெயா் சூட்டப்பட்டது மிகப் பொருத்தமானது என்றாா் அவா்.

நிகழ்ச்சியில், துணை முதல்வா் உதயநிதி ஸ்டாலின், அமைச்சா்கள் துரைமுருகன், ஐ.பெரியசாமி, கே.என்.நேரு, எ.வ.வேலு, மா.சுப்பிரமணியன், பொன்முடி, தங்கம் தென்னரசு, டி.ஆா்.பி.ராஜா, பி.கே.சேகா்பாபு, கே.கே.எஸ்.எஸ்.ஆா்.ராமச்சந்திரன், பெரியகருப்பன், தா.மோ.அன்பரசன், கீதாஜீவன், மு.பெ.சாமிநாதன், ராஜேந்திரன், எம்.பி.க்கள் டி.ஆா்.பாலு, ஆ.ராசா, கனிமொழி, முதல்வரின் மனைவி துா்கா ஸ்டாலின், நாகா்கோவில் மாநகராட்சி மேயா் ரெ.மகேஷ், முன்னாள் அமைச்சா்கள் மனோதங்கராஜ், சுரேஷ்ராஜன், மாநகராட்சி துணை மேயா் மேரிபிரின்சிலதா, முன்னாள் எம்.பி. ஹெலன் டேவிட்சன், குமரி கிழக்கு மாவட்ட இளைஞா் அணி அமைப்பாளா் அகஸ்தீசன், மாணவா் அணி அமைப்பாளா் அருண்காந்த், நாகா்கோவில் மாநகர திமுக செயலாளா் வழக்குரைஞா் ப.ஆனந்த், கடையநல்லூா் நகா்மன்றத் தலைவா் ஹபீபுா் ரஹ்மான் உள்ளிட்டோா் கலந்து கொண்டனா்.